Accessibility links

Tatarstanda kommunal’ tüläwlär kimerme?


Respublikada nihayät bäyrämnär tämamlandı, Xalıqara xatın-qızlar köne arqasında qısqarğan eş atnası çärşämbedän başlandı. Xäyer, bäyräm çaraları äle bügen dä däwam itte. 8 mart köne uñayınnan xatın-qız suğış veterannarı yäşlär belän oçraştı. Böyek Watan suğışı veterannarı üzläreneñ xatirälär belän urtaqlaştı, istäleklären söyläde, yäşlär isä alarnı bäyräm belän qotlap, konsert täqdim itte. Läkin küpçelek xalıq çärşämbe könne inde nıqlap eşläde. Däwlät Şurası deputatları 9 martta Prezidium utırışına cıyıldı. Anda Şura oyışqanğa 10 yıl tulu uñayınnan ütäçäk tantanalı utırışnıñ köne bilgelände. Deputatlar bäyräm utırışına könne 14 aprel’ könne cıyılaçaq.

Respublikanıñ KamAZ berläşmäse üzeneñ başqa Rusiä töbäkläre belän xezmättäşlegen üsterä. Çärşämbe könne berläşmäneñ citäkçese Sergey Kogogin citäkçelegendäge delegatsiä Omski ölkäsenä kitte. Anda alar ölkä xökümäte belän ikeyaqlı xezmättäşlek turında kileşü tözeyäçäk, dip xäbär itä Novosti mäğlümät agentlığı.

Tatarstanda isä bu könnärdä kommunal’ xezmätlär öçen tüläw mäs’äläse belän yaqınnanraq şöğellänergä buldılar. Prezident Mintimer Şäymiev, İnterfax agentlığında birgän äñgämäsendä, şuşı xaqta bik täfsilläp söyläde. Anıñ fikerençä, yıldan-yıl kütärelä torğan kommunal’ tüläwlär xalıq keremnäreneñ tübän bulıp qaluına säbäpçe. Şuña da, respublikada älege tüläwlärne kimetü östendä eşläw – tatarstanlılarnıñ tormışın yaxşırtuda iñ berençe burıç bulıp tora. Mintimer Şäymiev fikerençä, monıñ öçen respublikada effektiv häm yaña eş ısulları, cihazlar qullanırğa kiräk. Alarnı ğämälgä kertü byudjettan berniçä milliard sum aqça birüne taläp itäçäk ikän. Läkin bez bu aqçalarnı tabarğa tieş, dip belderde Tatarstan prezidentı.

Gölnaz İlgizär

XS
SM
MD
LG