Accessibility links

шимбә, 10 декабрь 2016, Казан вакыты 23:42

Firdüs Ğimaltdinov: Rusiäneñ milli säyäsät konsepsiäse açıq tügel


Respublika matbuğatında da älege xaqta yazmalar yışraq dönya kürä başladı. Küptän tügel genä Tatarstan yäşläre gäcitendä Firdüs Ğimaltdinovnıñ Rusiädä urıs bulmaw ciñelme dip isemlängän mäqälä basıldı. Anda avtor ildäge milli säyäsät turında uylana.Älegä mäs’älädä federal’ üzäkneñ töbäklärgä däğwäları şaqtıy bulsa da, üzäk üze milli problemalarnı çişügä iğtibar itmi, ğomumän, Mäskäwdä milli säyäsät turında söylärgä yaratmıylar, Milli säyäsät ministrlığı beterelde, yaña oyıştırılğan Regional’ säyäsät ministrlığı bu yünäleştä ällä ni eş qırğanı yuq, dip yaza Firdüs Ğimaltdinov. Menä mäqälädän ber özek.

Rusiäneñ milli säyäsät konsepsiäse açıq tügel. Berdän, ul iskergän. İkençedän, eşlämi. 2002 yılnıñ avgustında Qazanda Bötendönya tatar kongressı delegatları belän oçraşu waqıtında Vladimir Putin älege konsepsiägä üzgäreşlär kertergä boyırğan ide. Bu ul çaqtağı premyer-ministrı Mixail Kas’yanovqa yöklände. İnde Kas’yanov ta xökümät başlığı tügel, tözätmälär dä kürenmi. Tağın ber ütälmi qalğan yöklämä – Kul’tra kanalında tatar telendä tapşıru açu. Ğomumän, bügen bezneñ ildä milli problemalar turında söyläw “modada tügel”. Läkin barlıq millätlärneñ dä mänfäğätlären yaqlamıy torıp, küpmillätle Rusiä bernindi dä üseşkä ireşä almıy!

Mäqäläsen däwam itep, avtor Rusiädä çäçäk ata barğan skinxedlar – taqır başlar problemasına da tuqtala.

Keşe xoquqları buyınça Rusiädäge byuro ütkärgän soñğı tikşerenülär kürsätkänçä, bezneñ ildä bügen 50 meñläp skinxed bar. Rusiädän qala, dönyanıñ barlıq başqa däwlätlärendä alar 70 meñ dip isäplänä. Dimäk, iñ kübe bezgä turı kilä. Awıru cämğiättä tärbiälängän buınnıñ cinäyätçel protest çarası. Alarnıñ xıyalları – Rusiäne mononatsional’ däwlät itep tanıtu

Sez Tatarstan yäşläreneñ soñğı sanında basılğan Rusiädä urıs bulmaw ciñelme? digän mäqäläse belän tanıştığız. Anıñ avtorı Firdüs Ğimaltdinov buldı.

XS
SM
MD
LG