Accessibility links

якшәмбе, 11 декабрь 2016, Казан вакыты 03:27

Bush administratsiäse 8 Martta Äfğan häm Ğıraq xatın-qızların qabul itte


Bush administratsiäse Xalıqara xatın-qızlar könen ber törkem äfgan häm ğıraqlı xatın qıznı qabul itep qotladı.Qunaqlar Bush , xatını Laura, däwlät sekretarı C.Rice häm kongress äğzaları belän küreşte. Qunaq xanımnar ütkän atnada BMO komissiäseneñ Xatın qız statusı turındağı sessiäsenä qatnaştı.Waşingtonda ütkän mätbuğat oçraşuında wäkilçelekneñ citäkçeläre yäğni Äfganstan wä Ğıraqnıñ xatın qız mäsäläläre ministırları äle sonğı berniçä yılda xatın qız ireşkän uñışlarnı bäyräm itü waqıtı dip äytsälär dä alar här ike ildä tängällek öçen köräş başlana ğına dip basım yasadı.

AQŞ däwlät sekretarınıñ global mäsälälär buyınça yardämçese Paula Dobriansky süzlärençä yaña demokratiälärdä xatın qıznıñ köräşen in yaxşı kürsätkän illär Äfganstan belän Ğıyraq. Dobriansky süzlärenä däwam itep bolay dide : Bush administratsiäse bu delegatsiälärne NY häm Waşingtonğa kitertte,çönki xalıqnıñ yartısın täşkil itkän xatın-qız säyäsi mäsälälärdä çittä qaldırılsa ber genä ildä irekle häm demokratik bula almıy . Ğäräb häm möselman dänyasında ğädäti bulğan bu praktika üzgärä başladı.

Dobriansky(audio)

Ğäräb dönyasında arta barğan sanda xatın qıznıñ ministır, säyäsi häm sivil oyışmalarnıñ citäkçelegenä saylanuı qıyulandıruçı işarälär bulıp tora. Sonğı waqıtlarda Ğıraq, Marokko , Yordaniä häm Fälästin territoriälärendä xatın qızlar parlamentqa saylandı. Bu illärdä häm Äfganstan, Yemen, Tunisiä ,Bahrain,Oman, Qatarda häm berençe märtäbä Berläşkän Ğäräb Ämirlegendä xatın qızlar ministır itep bilgelände.

Waşingtonda Äfganstannıñ xatın qız ministır Massuda Jalal bez Taliban cimerelgännän soñ inde 3 nçe yıl xatın qızlar bäyrämen qotlıybız dide. Üktäber ayında prezident saylawlarında ilbaşı öçen namzät bulıp torğan M. Jalal äfgan xatın qızı sivil cämğiätneñ säyäsät, mäğarif häm mädäniät kebek barlıq aspektlarına qatnaşa, alar yış qına ir at ozatuçı bulmıy da xalıq aldında kürenä ala dip söyläsä dä ministır xanım barlıq äfgan xatın qızın irekle dip äytep bulmıy, qayber oçraqlarda alar ireklekne belmi dä alar ir at östenlek itkän cämğiättä yäşi dip azsızıqladı.

Jalal (audio)

Äfgan xatın-qızınıñ problemaları eçke, alarnıñ köndälek tormışın täşkil itä, alarnıñ kübese anı problema dip tä belmi.İlneñ säyäsät, içtimağıy iqtisadi häm mädäni tormışında tängälelekkä ireşü öçen alarnıñ barası yul ozın

Jalal xatın qıznı bu problemadan qotqaru öçen Äfgan konstitutsiäsen ğämälgä quyu kiräk, konstitutsiä ir at xatın qız tängällegen garantiäläsä dä , bu garantiä köndälek tormışta ğämäldä tügel dip söyli. Press konferensiädä Ğıraqnıñ xatın qız mäsäläläre ministrı Narmin Othman tizdän yazılaçaq Ğıraq konstitutsiäse Äfganstannıqı qädär dä xatın qız xoquqların garantiälämi digän borçılu belderde.Othman 30nçe ğıynuar saylawlarında şığı partiäläre ciñep çıqtı ä şığı säyäsätçeläreneñ kübese konservativ dini qaraşta dip äytte.

Othman(audio)

Bälkim dä alar şäriğät , konstitutsiä öçen in zur çığanaq bulaçaq dip qarıy. Bu isä xatın qız xoquqların çikliäçäk.

Othman Ğıraq konstitutsiäseneñ xatın qızğa qarata yomşağraq buluı öçen Ğıraq xatın qızına çittäge törle oyışma, xökümätlärneñ yardäme zarur dip kürä.Ämma ul şulay da ildä ütkärelgän saylawlarğa xatın qıznıñ küpläp qatnaşuı parlamenttağı 80urınnı xatın qızlarnıñ biläünä şatlana häm ilneñ kiläçäge turında

Othman(audio)

Bez uñışqa ireşäçäkbez. Saylawlar bezneñ bu ışanıçnı nığıta . Bez uñışlı bulaçağıbızğa, xalıqqa ışanabız. Min ilneñ kiläçäge bik yaqtı bulaçaq dip qarıym

Othman ğıysyançılar Ğıraq demokratiäsenä qurqınıç ämma demokratiä qurqınıçlarğa qarağanda köçleräk dip äytte. färidä xämit
XS
SM
MD
LG