Accessibility links

якшәмбе, 4 декабрь 2016, Казан вакыты 11:22

Livannıñ yaña premyer-ministrı itep yänä Süriä tarafdarı häm elekke xökümätne citäklägän Omar Karami bilgelände


Bäyrut. Livannıñ 10 kön elek kenä urınınnan kitkän premyer-ministrı Omar Karami bügen yänä şul eşenä qaytu täqdimen qabul itte. Prezident Emil Lahud tarafınnan raslanğannan soñ, Süriä tarafdarı sanalğan Karami maxsus belderü belän çıqtı häm anda ildäge bar partiälärne dä, däwlätne qotqaru maqsatında berdämlek xökümäten qoruğa öndäde. Ämma oppozitsiädäge qayber oyışmlar monı inde kire qaqtı. Parlament äğzası Antoine Andrawos, Karami üze berdämlekne gäwdäländermi dide, ikençe ber deputat Färis Säyet, elekke premyernı yaña xökümät başlığı itep bilgeläwne, uramnarda Süriä yaqlı xökümätkä qarşı cıyınnar ütkärgän xalıqnı "qotırtu" dip bäyäläde. Süriäneñ Livan eşlärenä tıqşınuına qarşı uram çaraları 14-nçe fivraldä Bäyrutta elekke premyer-ministr Rafıyq Xariri üterelgännän soñ başlanğan ide. Anda qatnaşuçılar, monıñ artında Süriä tora digän fiker belderä.

XS
SM
MD
LG