Bagdad. Ğiraq xakimiatendäge däwlät iminlege kiñäşçese Muwafaq äl-Rubai bügen, xökümät köçläre mäğlüm ğisyançı Äbü Musa äl-Zärqäwine totqarlawğa yaqın tora dip belderde. "İrekle Ğiraq" radiosına ul bügen, "äl-Qaidä"gä bäyle dip sanalğan şuşı iordanlı turında ğiraqlılar öçen tizdän "yaxşı xäbärlär" bula ala digän süzlär äytte. Äle genä alınğan xäbärgä qarağanda, Ğiraq tönyağındağı Mosul şähärendä şığıylarnıñ cenazasında köçle şartlaw bulğan, şaqtıy ğına ülüçe bar dip xäbär itelä.
