Accessibility links

якшәмбе, 11 декабрь 2016, Казан вакыты 05:09

Qırğız deputatları prezident saylawların aldanraq ütkärügä öndi


Bişkäk. Qırğızstannıñ qanunçığaru mäclesendäge 20 deputat bügen oçraşıp, küptän tügel ütkän parlament saylawların tänqitläp çıqtı häm prezident saylawların ildä waqıtınnan alda uzdıruğa çaqırdı. Alar iğlan itkän belderüdä, xakimiat qanunnarnı bozdı, üz qüwäten oppozitsiä nämzätlären saylawlardan töşerep qalu maqsatında qullandı, saylawçılarğa basım yasadı häm mäğlümat çaraları eşenä qomaçawladı dielä. Şuşı belderüne parlament binası qarşında oppozitsiä wäkile Alevtina Pronenko uqıdı: "Uylıybız ki, ğadel saylawlar turında söylägän, läkin berük waqıtta tawış birüne tupas bozğan, cämäğätçelek ışaniçın aqlamağan, üz xalqın aldağan prezident inde bu ilne citäkli almıy" dip belderä qırğız oppozitsiäse fikeren Alevtina Pronenko. Anıñ fikerdäşläre Äskär Aqaevnı prezident saylawların planlaştırğança üktäbrdä tügel, ä yül ayında uq ütkärergä çaqıra häm xäzerge parlament üz eşen noyäbrgä qädär ozaytırğa tieş dip belderä.

XS
SM
MD
LG