Tiflis. Gruziä parlamentı bügen, Rusiädän Gruziädä urnaşqan ike xärbi nığıtmasınnan kitüen taläp itüçe qarar ölgesen tikşerde. Anda Tiflis häm Mäskäwgä bu mäs'älädä urtaq qararğa kilü öçen waqıt 1-nçe mayğa qädär genä birelä. Ägär dä şuña qädär kileşügä ireşelmäsä, ölgedä, Gruziädäge Rusiä nığıtmalarınıñ eşe 2006-nçı yılnıñ 1-nçe ğinwarennän tuqtatılaçaq dielä. 1999-nçı yılda Rusiä üzeneñ Gruziädäge bar nığıtmaların da yabaçağın beldergän ide. Älegä qädär şularnıñ ikese yabıldı. Başta räsmi Mäskäw, qalğan ike xärbi nığıtmanı da yabu öçen 10 yıl waqıt kiräk bulaçaq digän ide, xäzer inde kimendä 3-4 yıl turında süz alıp bara.
