Accessibility links

Märxüm Masxadov urınına çäçän qarşılığınıñ citäkçese itep Ğäbdelkärim Sadulayev raslandı


Groznıy. Çäçän qarşılığınıñ kürenekle ähelläre, Rusiä köçläre tarafınnan üterelgän Aslan Masxadov urınına möselman ruxanie Ğäbdelkärim Sadulayevnı bilgeläde. Monı çäçän qarşılığınıñ Londondağı wäkile Äxmät Zakayıv häm çäçän ğisyançıları citäkçese Şamil Basayev yaqlağan dip xäbär itelä. Çeçnäneñ elekke prezidentı Aslan Masxadov sişämbe könne üterelde. Anıñ ğailäse xäzer xalıqara cämäğätçelekkä möräcäğät itep, anıñ Mäskäwgä basım yasawın häm Rusiä xakimiateneñ Masxadov cäsäden ğailäsenä tapşıruın teli. Federal' xökümät isä terrorğa qarşı köräş qanunnarına tayanıp monı eşläwdän baş tarta häm Masxadov cäsäde inde Çeçnädän çitkä çığarıldı dip belderä. Ul arada bügen Çeçnädä, ber boralaqnıñ hälakätkä oçrawı säbäple 12 federal hälak bulğan, "Associated Press" agentlığı, boralaq elektr çıbıqlarına tigän dip xäbär itä.
XS
SM
MD
LG