Accessibility links

шимбә, 3 декабрь 2016, Казан вакыты 16:52

Terror: İspaniä poez bombalawınıñ yıllığın iskä aldı


İspaniä Madridtağı terror aktınıñ ber yıllığın iskä ala. Ütkän yılda 11nçe martta poezğa urnaştırılğan bombalar 191keşene ütergän 2meñ keşene yaralağan ide. 11mart terror höcümennän soñ Yevropa illäre citäkçeläre terrorğa qarşı bergäläp köräşergä wäğdä itsälär dä, ütkän ber yıl eçendä progress bik az buldı

Bügen Mardrittä irtän 7.37dä ( ber yıl elek berençe bomba şartlağan waqıtta ) barlıq çirkäwlär 5 minut buyına çan qağıp ütkän yıldağı terror höcümendä häläk buluçılarnı iskä aldı. Können in xäräkätle waqıtında eşçälär, studentlar häm mäktäp balaları belän tulğan poezlarğa urnaştırılğan bombalar 191keşeneñ häläk buluına kiterde 2meñnnän artıq keşe yaralandı. Bu insident, 1988nçe yılda Şotlandiä östendä Pan Am oçqıçın bombalaudan sonğı in qanlı terror höcüme buldı . Waqıyğäne kürgän beräw bolay dip söyli

Şahit (audio)

Döres qotoçqıç, ämma kürgän närsäne taswirlaw mömkin tügel

İspanya xökümäte höcüm öçen şunduq Basq separatist törkeme ETAnı ğäyepläp çıqtı.Ämma dälillär şartlawnıñ al Qaida suğışçları eşe buluın kürsätte.Küplär bombalaw İspanyanıñ Ğıraq häm Äfganstanda AQŞ citäkçelegendäge xärbi aksiälärgä qatnaşuına üç au bulıp tora digän fiker beyan itte. İspanya ul çaqta saylawlar aldında tora ide. Waşington berektäşe premyer Jose Maria Aznar saylawçılarnı xökümätne krizisqa atmasqa çaqırdı.

Aznar(audio) Terroristlar cinayät eşlägän öçen bez rejimnı üzgärtmiäçäkbez.Min barlıq ispannnarnı terrornı tulısınça cinüdän başqa mäqsat quymasqa çaqıram.

Aznar saylawlarda ciñelde . Yaña xökümät Ğıraqtağı xärbilären tizlektä çığardı. Älege waqıtta 11nçe mart höcüme öçen cawaplı dip şiklänelgän 23 keşe törmädä totıla, alarnıñ zur öleşe marokkolılar. Tikşerüçelär terror ğämälen kem häm niçek oyıştırdı digän sorawğa cawap tabarğa tieş. Parlament komitetı comğada 11mart höcümeneñ säbäpläre häm andıy höcümnärne buldırmau turındağı üz xisabın birergä tieş ide. Saylawlarnı yuğaltuğa açuı çıqqan Aznarnıñ parlament blogı komitetnıñ xisabın anda ETA belän buluı mömkin bäyläneş turında mäğlümät yuq dip anı kire qaqqan. Terrorğa qarşı eşçänleklärne koordinatsiäwne planlaştırğan Yevropa Berlege dä bu eştä bik az progress yasadı. Madrid bombalauınnan soñ Kontrterrorizm Üzäge citäkçese bilgelände. Ämma bürokratiä säbäple koordinatsiä eşläre aqrın bardı häm qayber xökümätlär küzläw mäğlümätläre belän urtaqlaşırğa telämäde.İspanya başqalasında xäter könenä turı kiterep terrorğa qarşı konferensiä oyıştırıldı.Sişämbedä başlanğan şul konferensiäne Madrid Klubı oyıştırdı. Kontr-terror belgeçläre eleke prezident, premyerlär qatnaşqan konferensiä bügen yomğaqlau dokumentında terrorğa qarşı köräştä keşe xoquqlarına xörmät kürsätü töp mäsäläse bulıp tora dip belderde. İspanyälılär bügen köndez 5 minutlıq endäşmi toru belän terror qorbannarn iskä aldı. Radiobıznıñ farsı bülege xabärçese Fati Aman İspanya başqalasındağı xällärne bolay dip taswirladı

Aman(audio)

Min bügen metro idem ,xalıq ğädättägäçä eşenä, mäktäbenä bara ide. Muzıka başlanğaç poezlar 5 minutqa tuqtaldı.İnsidentta qorban buluçılarnıñ yaqınnarı häm qotuluçılar İspanya xökümätennän bügenge könne ğädäti normal kön itep ütkärüne ütengän. Şulay da xalıqnıñ nıq qayğılı buluı häm qorbannarnı uylawı sizelde.

färidä xämit
XS
SM
MD
LG