Accessibility links

җомга, 9 декабрь 2016, Казан вакыты 10:54

AQŞ belän Yevropa İran mäsäläsendä yaqınaya


İran uran bayıtuın yañartıp cibärsä, Britaniä, Fransiä häm Germaniä bu mäsäläne BMOnıñ İminlek Şurasına çığarunı xuplayaçağın belderde. Bu 3 il uzğan yılnıñ dikäberennän birle Tähran belän söyläşülär alıp bara – älegä citdi näticä yuq. Ul arada ike abruylı amerikan gäzite, New York Times belän Washington Post, İran uran bayıtudan tulısınça baş tartsa, Bush administratsiäse Tähranğa iqtisadi yärdäm täqdim itä ala, dip yazıp çıqtı. Şuşı ike xäbär Quşma Ştatlar belän Yevropanıñ İran mäsäläsendä urtaq fikergä kilä başlawına işarä itä. Elegräk Yevropa illäre İran mäsäläsen İminlek Şurasında tikşerügä, ä Quşma Ştatlar – İranğa taşlama yasawğa qarşı çığa ide.

XS
SM
MD
LG