Dönyanıñ aldınğı şaxmatçısı Garri Kasparov şaxmattan kitep üzen tulısınça säyäsätkä bağışlarğa cıyınuın belderde. "Komitet-2008" dip atalğan oyışma räise Kasparov, Atnalıq Jurnalğa birgän äñgämäsendä, "Putin diktaturasına" qarşı toru öçen qulınnan kilgänen eşliäçägen äytte. Professional sporttan kitüe turında Kasparov kiçä, Linaresta tämamlanğan däräcäle bäygene ciñgännän soñ iğlan itte.
