New York. Amerikan mäxkämäse Quşma Ştatlarnıñ Kubadağı Guantanamo xärbi nığıtmasında totılğan 13 yämänlene başqa ilgä tapşırunı kiçektergä buldı häm, ägär dä başqa ilgä tapşırılğan oçraqta, alarnıñ anda törle cäzalawlarğa duçar bulu-bulmawın açıqlaw öçen tıñlawlar ütkärüne qarar itte. Aña qädär, Pentagon, Quşma Ştatlarnıñ saqlanu ministrlığı, Guantanamoda bügenge köndä totılğan 540 çit il totqınnıñ yaqınça yartısın kire üz ilenä, nigezdä Äfğanstan, Söğüd Ğäräbstanı häm Yämängä tapşırırğa cıyına digän xäbärlär bulğan ide.
