Bäyrut. Şimbä könne Süriä prezidentı belän oçraşqan häm añardan, Süriä üz ğäskärlären Livannan çığaraçaq digän yöklämäsen alğan Terje Roed-Larsen bügen Livan citäkçeläre - prezident Emil Lahud häm tışqı eşlär ministrı Mäxmüt Xamud belän oçraştı. Prezident Lahud Larsen belän söyläşülärdä, Livan citäkçelege ildän Süriä ğäskärlären çığaru häm İminlek Şurasınıñ bu turıdağı 1559-nçı qararın ütäw ölkäsendä Berläşkän Millätlärneñ maxsus wäkile belän tığız xezmättäşlek itäçäk dip belderde. Roed-Larsen Livan oppozitsiäse wäkillären dä kürep söyläşergä cıyına. Ul arada oppozitsiä irtägä Bäyrut üzägendä, elekke premyer-ministr Rafiq Xaririne üterügä ber ay tulu uñayınnan zur cıyın ütkärügä çaqırıp çıqtı.