Accessibility links

пәнҗешәмбе, 8 декабрь 2016, Казан вакыты 14:57

Qıtay yaña qanun belän Taiwannıñ bäysezlek omtılışların köç qullanıp tuqtata ala


Düşämbedä Qıtay parlamentı ayrılıp çığuğa qarşı qanun qabul itte. Bu inde Taiwan Qıtaydan ayrılıp çığarğa tırışsa Peking aña qarşı köç qullanaçaq digän süz. Qıtay premyer ministrı Wen Jiabao qanun Qıtay belän Taiwannıñ tınıç yullar belän berläşü mäqsatın quya dip äytte. Ämma Taiwanda xökümät süzçese suğışqa röxsät itkän qanun qabul itkän Peking cäwaplılıqnı üz östenä alırğa häm bäyäsen tülärgä tieş dip belderde.

Qıtay premyere Wen Jiabao düşämbedä Taiwannıñ bäysezlek aluın tuqtatu öçen xärbi köç qullanırğa röxsät itkän yaña qanunnı yaqlap çığıp qanun suğış tügel ä tınıçlıqnı garantiäläw mäqsatın quya dide

Jiabao(audio)

Qanun Taiwan xalqın hädäf itep almıy. Qanun Taiwandağı bäysezlek köçlärenä qarşı. Aña suğış qanunı dip qaralmasqa tieş ,ul ilneñ tınıç räweştä berläşüe öçen äzerlände

Qıtay citäkçeläre bäxäsläşelgän utrawda bäysezlekkä taba artığı belän eşçänlek alıp barıla digän qararğa kilsälär , yaña qanun alarğa Taiwanğa suğış başlatu xoquqın birä. Düşämbedä Xalıq Qorıltayı yäğni parlament küpçelek tawış belän qanunnı raslawdan , ber kön elek prezident Wu Jintao armiägä buluı mömkin suğışlarnı tuqtatu häm suğışlarda ciñü öçen äzerleklären tizlätergä digän kürsätmä birde. Premyer Wen düşämbedä tınıç Taiwan buğazı urtaq mäqsat bulıp tora digän küptän tügel genä AQŞ belän Yaponiäneñ yasağan urtaq deklaratsiälären tänqitläp çıqtı.Wen fikrençä AQŞ belän yaponiä pozitsiäse '' çittän tıqşınu'' bulıp tora . 1949nçe yılda Taiwan Qıtaydan ayrılıp çıqsa da, kommunistik Qıtay äle dä Taiwannı üz territoriäse dip däğwä itä. Peking 23 million xalıq yäşägän utrawnı kiräk bula qalsa köç qullanıp berläşterergä teli, añı yanap kilä. Taiwan häm AQŞ räsmiläre ayrılıp çığuğa qarşı bulğan yaña qanunnı provakativ dip tänqitläde. Alar qanun Taiwan Buğızındağı näzberek status quonı tağı da totrıqsızlandıra ala dip äytte.AQŞ däwlät sekretarı C.Rice yäkşämbedä AQŞ televidiniäsenä birgän ängämäde

Rice(audio)

Qanun kierenkelekne arttıra, kierenkelekne arttıru kiräksez , yaxşı närsä tügel.AQŞları bu bäxästä küptännän birle ışanıçlı tayanıç bulıp tora. Bez ''ber Qıtay ''säyäsäte alıp barabız. Här kem añlıy moñı. Ber yaq ta status quonı üzgärtü öçen tırışmasqa tieş, bu töp mäsälä

Taiwan xökümäte yaña qanun Aziä-Tın Okeanı töbägendä iminlekkä nıq täsir itäçäk dip äytte.Taiwanda Qıtay mäsäläse Şurasınıñ citäkçese Joseph Wu süzlärençä qanun Qıtayğa Taiwannı köç qullanıp üzenä quşu mömkinçelege birä, ul Taiwan xalqınıñ fundamental xoquqların bozu bulıp tora, utrawda tınıçsızlıqqa säbäp . Qanun töbäktä iminlek wä stabillıqqa qurqınıç tudıra dip belderde Wu färidä xämit
XS
SM
MD
LG