Rusiädä Xalıq xökümäte dip atalğan yaña ictimaği oyışma barlıqqa kilde. Şuşı könnärdä oyıştıruçılar bu xaqta Soyuzlar yortınıñ Oktäbr zalında jurnalistlar aldında iglan ittelär. Xalıq xökümäte anı başqaça “külägä xökümät” dip tä atıylar, üzlären xäkimiätkä yaña oppozisiä dip atıy. Bu xalıq xökümäte 22 ministrdan häm dürt komitettan tora Xalıq xökümäteneñ räise itep Däwlät Duması deputatı Gennadiy Semigin bilgelängän. Ä menä ministrlar arasında bezneñ millät wäkilläre dä bar. Mäsälän sälämätlek ministrı tanılğan xirurg Renat Aqçurin bulsa, Fän häm yaña texnologiälär ministrı itep akädemik Robert Nigmatullin quyılğan. Bu xökümätneñ finanslar ministrı da, mädäniät ministrı da bar. Ğomümän tulısı belän xökümät strukturası. Alar ayğa ber märtäbä oçraşaçaqlar. Häm alarnıñ utırışları televidenie aşa kürsäteläçäk. Bu xäkümätneñ iñ möhim burıçlarınıñ berse bulıp sosial häm iqtisadi mäsälälärne eşkärtü häm tormışqa aşıru toraçaq. Min telefon aşa bu yaña , xalıq xökümäteneñ maqsatları turında sorap, fän häm yaña texnologiälär ministrı bulıp bilgelängän akademik Robert Nigmatulınğa möräcäğät ittem. Äñgämä waqıtında Robert Niğmatulin Rusiä xökümätendä töp bälä salımnarnı döres bilgelämäw häm xalıqqa az eş xaqı tüläw dide. Xalıq üzeneñ fiker iäse bulğan ğälimnäre barlığan da belergä tieş. Çönki bez ay sayın telewideniedän çığışlar yasap, üzebezneñ iqtisad turındağı yaña fikerlärebezne xalıqqa citkerregä uylıybız dide ul. Mondıy xalıq xökämätläre iqtisadları alğa kitkän küpçellek illärdä bar. Häm ildä yañadan iqtisadi üzgärtep qorularnı başlar öçen, xäzerge xökümättäge ministrlardan üzgäräk bulğan fikerlärebez belän xalıqnı tanıştırırğa tieş dide. Akademik Robert Nigmatullin. Äñgämäne Azatlıq radiosınıñ düşämbe tapşıruında tıñlağız.
Näzifä Kärimova, Mäskäw
Näzifä Kärimova, Mäskäw
