Audio (uram tawşıları)
Düşämbedä Bäyrut üzäge qaynap torğan ber qazannı xäterlätte. Elämnär tağılğan maşinalar tawış birä-birä Şähitlär mäydanına ağıldı. Oyıştıruçılar bu xalıq taşqının tärtikä salırğa tırıştı. Livan cirendä 30 yıllap torğan Süriä ğäskärläreneñ ildän kitüen taläp itkän qarşılıq çarasına yözlägän meñ keşe cıyıldı. Livan oppozitsiäseneñ bügenge çarası Süriä-taraflı köçlärneñ uzğan atna ütkärgän demonstratsiälärenä cawap bularaq qabul itelde. Ber atna elek Hezbolla tarafdarları Süriägä watandaşlar suğışınnan soñ Livanda totrıqlılıq urnaştıruda yärdäm itkäne öçen räxmät belderep namayış oyıştırdı, anda yartı millionlap keşe qatnaşqan ide. Yäkşämbedä könyaqtağı Nabitiä şährendä 200-300läp keşe cıyıldı.
Düşämbedä oppozitsiä oyıştırğan çara bolarnıñ ikesen dä uzıp kitte sıman. Frans Press mäglümätenä qarağanda düşämbedä Bäyrut uramnarına 800 meñläp keşe çıqqan. Oyıştıruşılar üzläre qatnaşuşuçılarnı million çaması dip belderä.
Xezmätkärlärenä bu çarada qatnaşırğa mömkinlek birer öçen küp kenä banklar häm ofislar töştän soñ eşlämäde. Mäktäp häm universitetlarda da uqular kön urtasına qädär genä buldı. Meñlägän keşe ireklek, berdämlek, Süriä ğäskärläreneñ kitüen taläp itkän şiğärlär qıçqırıp şähär üzägenä ağıldı.
Audio (uram tawşıları)
Kübeseneñ qulında qızıllı-aqlı-yäşelle Livan bayrağı. Bügenge akisä ber ay elek üterelgän elekke premier-ministr Rafiq Haririnı iskä alu çarası da buldı. Çığış yasawçılar bu üterügä açıq, xalıqara tikşerü ütkärergä, näticälären xalıqqa iğlan itergä taläp itte. Livanda küplär Haririnıñ üleme öçen Süriäne ğäyepli. Süriä üze qatışı buluın kire qağa. Räsmi Dämäşk ğäskärlären çığarırğa wäğdä itte, ämmä alarnıñ qayçan, nindi tärtiptä çığarılası älegä tulısınça xäl itelmägän.
-Ali Gilmi
Düşämbedä Bäyrut üzäge qaynap torğan ber qazannı xäterlätte. Elämnär tağılğan maşinalar tawış birä-birä Şähitlär mäydanına ağıldı. Oyıştıruçılar bu xalıq taşqının tärtikä salırğa tırıştı. Livan cirendä 30 yıllap torğan Süriä ğäskärläreneñ ildän kitüen taläp itkän qarşılıq çarasına yözlägän meñ keşe cıyıldı. Livan oppozitsiäseneñ bügenge çarası Süriä-taraflı köçlärneñ uzğan atna ütkärgän demonstratsiälärenä cawap bularaq qabul itelde. Ber atna elek Hezbolla tarafdarları Süriägä watandaşlar suğışınnan soñ Livanda totrıqlılıq urnaştıruda yärdäm itkäne öçen räxmät belderep namayış oyıştırdı, anda yartı millionlap keşe qatnaşqan ide. Yäkşämbedä könyaqtağı Nabitiä şährendä 200-300läp keşe cıyıldı.
Düşämbedä oppozitsiä oyıştırğan çara bolarnıñ ikesen dä uzıp kitte sıman. Frans Press mäglümätenä qarağanda düşämbedä Bäyrut uramnarına 800 meñläp keşe çıqqan. Oyıştıruşılar üzläre qatnaşuşuçılarnı million çaması dip belderä.
Xezmätkärlärenä bu çarada qatnaşırğa mömkinlek birer öçen küp kenä banklar häm ofislar töştän soñ eşlämäde. Mäktäp häm universitetlarda da uqular kön urtasına qädär genä buldı. Meñlägän keşe ireklek, berdämlek, Süriä ğäskärläreneñ kitüen taläp itkän şiğärlär qıçqırıp şähär üzägenä ağıldı.
Audio (uram tawşıları)
Kübeseneñ qulında qızıllı-aqlı-yäşelle Livan bayrağı. Bügenge akisä ber ay elek üterelgän elekke premier-ministr Rafiq Haririnı iskä alu çarası da buldı. Çığış yasawçılar bu üterügä açıq, xalıqara tikşerü ütkärergä, näticälären xalıqqa iğlan itergä taläp itte. Livanda küplär Haririnıñ üleme öçen Süriäne ğäyepli. Süriä üze qatışı buluın kire qağa. Räsmi Dämäşk ğäskärlären çığarırğa wäğdä itte, ämmä alarnıñ qayçan, nindi tärtiptä çığarılası älegä tulısınça xäl itelmägän.
-Ali Gilmi