Accessibility links

шимбә, 10 декабрь 2016, Казан вакыты 21:39

Qırğızstanda oppozitsiä mitingları ütä


Qırğızstanda parlament saylawlarınıñ kiçä ütkän ikençe turında xökümät yaqlı namzätlärneñ küpçelek urınnarnı yawlawı iğlan itelgännän soñ oppozitsiä tarafdarları protest çaraları üktärä. Bügen Üzäk Saylaw komissiäse saylawlarnıñ yaxşı ütüen iğlan itte. Oppozitsiä isä kupsanlı qanu bozular buldı dip täqrarlıy. Qırğızstannıñ Talas ölkäsendäge Bakai-Ata rayonında 2500-läp keşe mitingka cıyıldı. Demonstratsiäçelär başqalağa iltüçe zur yulnı yaptı, cirle xakimiät binasın yawlap aldı. İlneñ könyağındağı Jalal-Abad şähärendä ber atna elek başlanğan protest çarasında 3 meñläp keşe qatnaştı. Anda ölkä xakimiäte binasın basıp alğan demonstratsiäçelär binadan haman da çıqmıy. Protest belderüçelär ber atnadan artıq elek Oş ölkäsendäge Uzgen rayon xakimiäte binasın da basıp aldı. Binada 200-läp keşe, anıñ tiräsendä 2 meñläp protest belderüçe buldı.

XS
SM
MD
LG