Accessibility links

пәнҗешәмбе, 8 декабрь 2016, Казан вакыты 09:00

Livanda Süriägä qarşı yözlärçä meñ keşelek demonstratsiä ütte


Bäyrüt üzägendä Süriäneñ Livannan ğäskärlären çığaru wäğdäsen ütäwne taläp itep berniçä yöz meñ keşe demonstratsiägä cıyıldı. Bu demonstratsiä Livannıñ elekke premyer ministrı Räfiq Xäriri üterelügä ber ay tulğan köngä turı kilä. Livanda küplär bu üterüne Süriä oyıştırğan dip isäpli. Süriä monı kire qağa. Demonstratsiäçelär Xariri üterelgän säğättä tın qalıp anı iskä aldı. Kiçä Livannıñ könyağındağı Nabatiä şähärendä şundıy uq zurlıqtağı demonstratsiädä qatnaşuçılar Süriäne yaqlap çıqtı. Süriä Livannan kitärgä wäğdä birde häm xärbilärne çigerü bügen dä däwam itte. Süriäneñ küzläw xezmätläre tönyaqtağı Amyoun häm Däyr Ammar şähärlärendä binaların yaptı, Akkar tiräsendä tikşerü qapqaların sütte. Älegä Süriä ğäskärlären çığaru köne bilgelänmägän.

XS
SM
MD
LG