Accessibility links

якшәмбе, 4 декабрь 2016, Казан вакыты 15:23

Ğiraqta yaña şartlawlar häm bäreleşlär buldı


Ğiraq politsiäse äytüençä, Bağdadtağı xastaxanä kompleksı yanında bulğan şartlaw uzıp baruçı politsiä xezmätkärlärenä qarşı yünältelgän bulırğa oxşağan. Ämma şartlatuçı maşinası belän ağaçqa bärelgän. Bu şartlaw näticäsendä ber bala hälak bulğan, ber politsiä xezmätkäre häm tağın 3 keşe yaralanğan. Politsiä başqa ber bombanıñ Bağdad hawa alanına iltüçe töp yulda ber maşinada şartlawın belderde. Bomba AQŞ xärbi konvoyı yaqınlaşqanda şartlağan. Şartlaw näticäsendä tınıç xalıq arasınnan 4 keşe hälak bulğan, 7 keşe, şul isäptän 2 politsiä xezmätkäre yaralanğan. İlneñ törle urınnarında köç qullanular däwam itkändä Ğiraqnıñ küçeş çorı xökümäte çärşämbe könne Milli Mäclesneñ berençe utırışın ütkärergä äzerlänä. 30-nçı Ğinwarda bu mäcleskä saylawlarda şığıylarnıñ Berläşkän Ğiraq İttifağı häm Körd firqäläre berläşmäse küpçelekne yawladı. Alar parlamentta yaña xökümät tözü öçen zarur bulğan öçtän ike küpçelekkä iä bulu maqsatında koalitsiä tözü turında kileşte. Ämma älegä qayber keçkenäräk mäs'älälärgä açıqlıq kertäse qaldı.

XS
SM
MD
LG