Accessibility links

җомга, 9 декабрь 2016, Казан вакыты 05:07

Şäymievnıñ qabat prezident bulaçağı turında ğadi xalıq närsä uylıy?


Mintimer Şäymievnıñ cömğa könne yasağan belderüe, säyäsät belgeçläre öçen zur waqiğa bulsa da, ğadi xalıqnı bu bik qatı borçmıy bulıp çıqtı. «Azatlıq» radiosı xäbärçese, düşämbe könne Qazan uramnarında sul xaqta soraştıru ütkärde. Xalıqqa Şäymievnıñ tağın 5 yıl buyı respublika citäkçese buluına niçek qarıysız, digän soraw birelde.

Soraştıru Qazannıñ Mäskäw rayonında ütkärelde. Pensionerlar gailäse, bu prezidentka kündek inde, ul alasın alğan, bez aña riza, dip cawap birde. Urta yäştäge xatın-qız, min säyäsät belän qızıqsınmıym, miña barıber,bäyälär genä üsmäsen, dide. İkençe xatın-qız, Şäymiev bulsa bula inde, bez bernäsä dä üzgärtä almıybız, dip äyte. Urta yäştäge ir-at, min qarşı, almaşu bulırğa tieş, yäş keşe yañaça eşlär ide, dide.

Cawap birgän keşelär arasında yaña prezident bilgelänü mömkinlege turında bötenläy işetmägän keşelär dä oçradı. Alar, bez ber närsä dä xäl imtibez, şuña qızıqsınmıyıbız da, dip belderdelär. İr-atlarnı da, xatın-qızlarnı da, penesioner häm äle yäş keşelärne dä küpçelek oçraqta sotsial kürsätkeçlär borçıy.

14 mart könne säyäsi firqä wäkilläre, ictimaği oyışma citäkçeläre dä bu mäsälägä fikeren belderde. «Tatar-iform» ağentlığı soraştıru ütkärgän. Däwlät şurası räise urınbasarı Rimma Ratnikova, prezident köndäşlären qoralsızlandırdı, ä xalıqnı söyenderde dip belderde. Kommunislar firqäse wäkile Aleksandr Saliy, citäkçelär almaşırga tieş, ämma prezident bulırğa layıq başqa keşe kürmim, dip äytte. Şul uk firkä wäkile, Näsimä Stolyarova, citäkçe bulırlıq keşelär bar, ä Şäymievnı xäzer Prezident tügel, gubernator itep atarga kiräk, digän fikerdä tora. Tatar milli-mädäni avtonomiä räise, bu saylawlar ütkärergä qaralğan aqçanı ekomiälärgä mömkinek birä, digän qaraş belderde. Deputat Marat Ğaliev, soñğı 15 yılda Mintimer Şäymiev millätara nizaqqa yul quymadı, ber millätkä dä östenlek birmäde, şuña, anıñ qaluın, uyñay bäyälim, dide.

Bikä Timerova

XS
SM
MD
LG