Accessibility links

Кайнар хәбәр

Ğıraq Parlamentı berençe sessiäsen ütkärde, xökümät turında kileşü yuq


AQŞ citäklägän intervensiädän soñ 2yıl, berençe demokratik saylawlar ütkärelgännän soñ 6 atna ütkäç Bagdadta bügen Milli Mäcles yäğni parlament berençe sessiäsen ütkärde. Şığı häm körd säyäsätçeläre yaña xökümät turında kileşep betmägän öçen bügenge sessiä deputatlarnıñ ant itkän merasim genä bulıp qaldı

Ğıraqnıñ yaña saylanğan Milli Mäcleseneñ äğzaları berençe sessiädä ant itsä dä, qayçan yañadan cıyılaçaqları turında äytmi taraldılar. Sessiä Bagdadnıñ nıq saqlanğan Yäşel zonada cıyılışlar zalında buldı.Merasim doğa belän başlandı. Çığış yasawçılarnıñ berse waqıtlı parlament belän citäklägän körd säyäsätçe Fuad Massum ide. Ul Ğıraq tarixında bik möhim köndä çığış yasauın äytte. BMOnıñ mäxsus ilçese Aşraf Qazi deputatlarnı täbrikläp , tarixi köngä şaxit bulğan öçen ğorurlanam digän. Ğıraq waqıtlı prezidentı Gazi al-Yawer alda torğan qurqınıçlar turında söyläde

al-Yawer(audio)

Barlıq Ğıraqlılarnıñ bigräk tä sezneñ burıçığız bik zur häm möhim .Här närsädän alda Ğıraq konstitutsiäsen yazğanda Ğıraq cämğiäteneñ barlıq öleşeläreneñ inanu , keşelek qıymmätläre fiker belderü ireklegenä xörmät itelergä tieş.Konstitutsiä demokratik , pluralist, federal tulısınça suveren Ğıraqta tängällekne garantiälärgä tieş.

Parlamentnıñ töp missiäse kiläse waqıtlı xökümätne saylaw häm ilneñ daimi konstitutsiäseneñ yazıluın qarap baru. Konstitutsiä raslansa, dikäber ayında yaña xökümätne saylaw öçen saylawlar ütkäreläçäk. Kire qağılsa Parlament taratılaçaq häm yañası saylanaçaq, bu inde küçmä däwerneñ ozayaçağın añlata. Waqıtlı premyere Allawi konstitutsiäne yazu bik qatmarlı eş, aña cämğiätneñ barlıq öleşläre qatnaşırğa tieş dide

Allawi(audio)

Konstitutsiäneñ komponentları şulsanda watandaşlarnıñ fundamental xoquqları, öç xakimiätne bilgeläw häm alar arasındağı mönäsäbät, qanunnarnı keşelär eşli . Konstitutsiä modern sivilizatsiäle häm ğıraqlılarnıñ üzençälegen çağıldıraçaq .

Sessiä 275 deputatnıñ ant itüe belän tämamlandı.30-nçe ğıynuarda ütkän saylawlarda Berläşkän Ğıraq İttifağı häm Körd partiäläre ittifağı ciñep çıqtı .Ämma alar älegä xätle koalitsion xökümät turında kileşä almadı.Şığı berektäşlege parlamentta 140 urın alsa da premyerne bilgeliäçäk prezidentnı saylaw öçen öçtän ike küpçelek kiräk . Yäğni alarğa kördlärneñ 75 urını kiräkle. Allawi üz çığında kördlärneñ Saddam waqıtndağı yuğaltu qorbannarın telgä aldı. Sişämbedä partiälär bu atna eçendä kileşügä ireşäçäklären äytkän ide. Analitiklar çärşämbedä parlamentnıñ cıyıluı xökümät turında kileşü bulmağanlıqtan märasim ğına bulıp qaldı di. Britaniädä yaqın könçığış säyäsäte uqıtqan

Larbi Sadiki(audio)

Saylawlar ütkärä alasın , ä annan soñ?Minemçä bu ğıraqlılarnıñ çittän tıqşınu bulmıy üz eşlären oyıştıru sälätlären kürsätkän sınaw bulıp tora

Sadiki bälkim dä ay azağına qädär xökümät turında kileşeler dip faraz itä.Bügenge sessiä barğanda uramda şartlaw, siren tawışları işetelgän Berläşkän Ğıraq İttifağınıñ citäkçese Abdel Aziz al Hakim bezgä terrornı qorıtırğa, Saddam häm anıñ tarafdarlarınıñ mäxkämä protsesın tizlätergä sälätle xökümät kiräk dip söylägän färidä xämit
XS
SM
MD
LG