Accessibility links

җомга, 9 декабрь 2016, Казан вакыты 20:35

İzrail xärbiläre Yerixodan kitte


İzrail xärbiläre Könbatış yardağı Yerixo qalasınnan kitep anı Fälästinlelärgä tapşırdı. Bügen irtän İzrail häm Fälästinneñ iminlek räsmiläre başta bergäläp şähärne qarap çıqtı. Şunnan soñ İzrail maşinaları ber tikşerü qapqasında, yul çatına quyılğan beton kirtälärne aldı. İkençesendä Fälästin köçläre safqa bastı. Fälästinneñ iminlek citäkçese Äxmät Äyed, İzrail räsmieneñ qulın qısıp, Jerixo töbägendä kontrolne üz qulına aluın iğlan itte. Yerixo häm tağın 4 şähärdän İzrail xärbilären çığaru turında, İzrail premier-ministrı Ariel Şaron belän Fälästin citäkçese Mäxmüt Abbas uzğan ayda ütkän sammitta kileşkän ide. Sişämbedä Kahirä ütkän söyläşülärdä Abbas Fälästinneñ suğışçı törkemnären ut tuqtatu kileşüen ozaytırğa öndäde.

XS
SM
MD
LG