Accessibility links

Qırğızstanda qarşılıq çaraları däwam itä


Qırğızstanda qarşılıq çarası ütkärüçelär bügen Calalabad töbägeneñ Bazar-Qorğon qalasında xökümät binasına basıp kerep ber idarä räsmien totıq itep aldı. Militsiä köçläre totıqnı azat itü öçen täräzäne watıp kerde. Qorbannar yuq dip xäbär itelä. Qarşılıq belderüçelär yäkşämbedä ütkän ikençe tur saylawlarda oppozitsiä namzäteneñ ciñelüenä protest belderä, bu saylawlarnı xökümät faydasına xärämläşü dip atıy. Alar räsmi näticälärne köçtän çığarıp yaña saylawlar ütkärergä çaqıra. Räsmi näticälärgä kürä, prezident Akaev taraflı köçlär parlamentta küpçelekkä ireşkän. Äle genä kilgän xäbärgä qarağanda könçığışrağı Narın töbägeneñ Koçkor qalasında 600läp keşe şul uq taläplär belän idarä binasın basıp alğan. Elegräk Talas töbägendä protest belderüçelär ike räsmine xökümät binasında bikläp totqannan soñ, irekkä çığardı. Andağı qarşılıq çarasında berniçä meñ keşe qatnaşqan. Quşma Ştatlarnıñ Qırğızstandağı ilçese Stephen Young prezident Askar Akaevnı "kosnitutsiäne üzgärtmim" digän wäğdäsen ütärgä häm şuşı yıl prezident saylawları aldınnan urınınnan kitergä çaqırdı.
XS
SM
MD
LG