Accessibility links

дүшәмбе, 5 декабрь 2016, Казан вакыты 03:39

Udmurtiä balaları Qazanda tatar tele bäygesendä qatnaştı


Udmurtiä mäktäpläreneñ tatar sıynıflarında uquçı balalarnıñ ana telen üzläşterü däräcäsen yıl sayın uzdırıla torğan olimpiadalar açıq kürsätä. Respublika yarışlarında ciñü yaulağan uquçılar regionara bäygedä Qazanda üzläreneñ yäştäşläre belän köç sınaşa. Elek bu olimpiadalarda tatar telen başlanğıç sıynıflardan uq öyrängän Balezino, Yukamen rayonnarı mäktäpläre uquçıları qatnaşsa, soñğı yıllarda Qazanğa yullanmanı İjaw şähäre mäktäpläre uquçıları yaulıy başladı. Alar arasınnan uzğan uqu yılında bu sınawnı uñışlı ütkän gimnaziä uquçısı Läysäniä Ğataullina bıyıl da Qazandağı yarışlarda qatnaştı. "Ütkän yıldağı biremnär belän çağıştırğanda bıyılğısı awırraq buldı", dip urtaqlaştı Läysäniä bezneñ belän. Läysäniä Ğataullinanıñ klasstaşı Liliä Ğaratuyıwa şuşındıy bäygedä berençe tapqır qatnaşqan. Ul bişençe urınnı yaulağan. Bu, Liliä süzlärençä, zur qazanış. Gimnaziäneñ tatar tele uqıtuçısı Räsimä Foat qızı Sadıyqova Qazanda uqıtuçılar, ğalimnär, başqa regionnardan kilgän balalar belän aralaşu da bezneñ öçen şulay uq zur täcribä dip assızıqlap ütte. Şuşındıy olimpiadalarda balalar ğına tügel, uqıtuçılar da üzläreneñ eşen bäyäli ala, şul uq waqıtta Räsimä xanım, tatar tele uqıtuçılarınıñ metod berläşmäseneñ citäkçese bularaq, kiläçäkkä plannar bilgeläw öçen dä anda qatnaşu yärdäm itär dide. Bıyıl Qazanda olimpiadada durt bala qatnaştı, alarnıñ barısı da İjaw mäktäplärennän ide. İñ söyendergäne — kitap uqu formulyarın yaqlaw nominatsiäsendä 70 mäktäpneñ 9 sıynıf uquçısı Linar İlaletdinov berençe urınnı yauladı.

Xämidä Ğayfullina, İjaw

XS
SM
MD
LG