Accessibility links

дүшәмбе, 5 декабрь 2016, Казан вакыты 03:31

AQŞ däwlät sekretare Condoleezza Rice Qabulda Äfğänstan prezidentı Xämit Qarzai belän oçraştı


Qabulda AQŞ däwlät sekretare Condoleezza Rice Quşma Ştatlar 1989-nçı yılda Äfğänstannı üzen genä qaldırunıñ xata bulğanlığın añladı dide.

AUDİO: Bezneñ bu il belän mönäsäbätlärebez ozın möddätle. Bez Sovetlar Berlege kitkännän soñ mönäsäbätlärneñ ozın möddätle bulmawınnan yaman sabaq aldıq. Minemçä bezneñ mönäsäbätebez üzgärgänlege açıq kürende. Häm min prezident Xämit Qarzaiğa 11-nçe Sintäberneñ Äfğänstan belän Amerikan xalıqlarınıñ şul çorğa bäyle urtaq tragediäse bulğanlığın äyttem.

Qabuldağı söyläşülärdän soñ urtaq matbuğat oçraşuında Rice belän Karzai Äfğänstan Saylaw Komissiäse küptän kiçekterelep kilgän parlament saylawların sintäber ayında ütkärergä qarar itte dide. Oyıştıru eşlärenä häm iminlek mäs'älälärenä bäyle borçılular säbäple bu saylawlar berniçä märtäbä kiçekterelde. 6 Aziä ilenä säfär qıluçı Rice Äfğänstanğa qädär Paqstan belän Hindstanda buldı. Qabuldan ul tağın Paqstanğa qayttı. Soñraq Rice Yaponiä, Könyaq Korea häm Qıtayda bulaçaq.

XS
SM
MD
LG