Fälestin suğışçan törkemnäre İzrail' belän höcümnärne tuqatatıp toru turında çiklänmägän möddätle kileşügä tuğrı qalaçağın belderde.
13 töp fälestin suğışçan törkemeneñ citäkçeläre Qahirädä oçraşıp İzrail'neñ fälestinlelärgä höcümnären tuqtatıp toruına häm fälestin totqınnarnıñ azat itelüenä almaşqa İzrail'gä höcümnär oyıştırmıy torırğa kileşte.
Alar iğlan itkän belderüdä atışlarnı beryaqlı tuqtatu tulı solıxtan ayırıla dielgän.
Fevral' ayında Mısırda oçraşıp İzrail' premyer ministrı Ariel Şaron belän Fälestin citäkçese Mäxmüt Abbas uzara höcümnärne tuqtatu turında kileşkän ide.
İzrail' tışqı eşlär ministrlığı süzçese Mark Regev Tel Aviv haman da Abbastan suğışçan törkemnärne taratunı kötä dide.
