Tömän şähäreneñ iñ tarixi urını bulğan, elekke Çimgi tora şähäre torğan urınnan yul salırğa cıyınalar. Arxeologlar äytüenä qarağanda, mäñge qazıp bulmaslıq zamana taşı astında iskitkeç qıymmätkä iä äyberlär qalırğa mömkin. Üzläreneñ säyäsätkä kereşäseläre kilmägängä, bu problemnı arxeoloğlar tatar ictimağıy oyışmaları aldında kütärdelär. Başta qazu eşläre ütkärep, annan soñ ğına yul salunı sorarğa kiräk digän täqdim yasadılar.
Bu xaqta kiläse atnada basılıp çığaçaq “Region-Sibir” gäzetäsı yazaçaq. “Region-Sibir” yañadan dönya kürä başladı.
Ğıynwar ayında “Azatlıq” radiosın tıñlawçılar Tömändä basılğan dini temnarğa kübräk ixtibar birgän ğäzetälar arasınnan “Region-Sibir» turında da işetkän ide. İke ayğa yaqın bu ğäzetä basılmıy tordı häm ul waqıtta anı çığaruçı “Yıvraziyskaya partiä-Soyuz patriotov Rossii”neñ töbäktäge wäkile Rinat Nasirov bolay dide.
-Säbäbe şul çıqmawına aqça bulmaw.
?-Kemneñ aqçasına çığa soñ ul?
-Nu ul çığa bezneñ liçnıy aqçağa. Minem arada berniçä keşe bar, bezneñ uy belän eşli torğan. Alar yärdäm itälär min üzem yaxşı ğına quşam. Bügenge köngä äz genä aqça bula başladı.
Qısqa ğına tänäfestän soñ “Region-Sibir» qabat dönya kürä başladı. Anı çığarğan Rinat Nasirov süzlärençä, “Yıvraziyskaya partiä-Soyuz patriotov Rosii” finanslamıy. Üzläreneñ bizneslarınnan kergän tabıştan ber öleşen bülälär.
“Kem dä bulsa, tatarnıñ bügenge xäle, kiläçäge häm ütkäne turında döreslekne yazarğa tieş bit. Milli tormışnıñ asılın açıp birü töp maqsat”,- di Rinat Nasirov.
“Region-Sibir» isemen üzgärtmäsä dä, cisemen üzgärtte. Anıñ berençe sanı dönya kürergä ölgerde inde. Äytkänemçä, kiläse atnada ikençe sanı basıla. Xäzer ğäzetänıñ möxärrire İlsöyär Babuşewa. Ul Tömän yanındağı Yawızbı awılı qızı. Uzğan yıl Tömän däwlät uniwersitetınıñ jurnalistiqa fakultetın tämamladı. -“Region-Sibir»ne yañadan tudı, yañadan dönya kürde dip äytsäñ dä bula. Elek ul politik ğäzetä ide. Bügen isä ixtibarnı tatar milli tormışına yünältä. Menä berençe sanın ğına qulğa alsaq ta, anda bik ähämiätle mäqälälär bar. Mäsälän Wağay rayonında tuğan telne öyränügä ixtibar kimegän. Tatar xalqı ni öçen Salawat, Aydar kebek kürenekle cırçılarğa ğına yöri. 1905 nçe yılda Yambay awılınıñ ber malaynı çuqındıru böten böten tirä yaqnı teträndergän. Cıynap äytkändä alğa taba “Region-Sibir” bitlärendä säyäsät, mäğärif, mädäniät, din, tarix, milli aşlar, sport, biznes, sälamätlek turında mäqälälär dönya küräçäk. Küp yäşlärneñ, bigräk tä şähärnekelär, tatarça uqıy belmäwen iskä alıp, mäqälälär rus telendä basıla. Bu xäl tatarça yazılğannarına bötenläy dä urın bulmas digän süz tügel. Şuña kürä bez berençe çiratta “Region-Sibir”ne yäş häm urta buın uqır dip ömetlänäbez. Plannarıbız kiläçäktä oyışqan räweştä ğäzetäğa yazılunı buldıru. Älegä bez anı tatar awıllarına, Tubıl şähärenä cibäräbez. Tömändä Ölkä kitapxanäneñ milli ädäbiätlar bülegennän dä alırğa mömkin. Şulay uq Parfen, Qazarowa kibetlärenä, poçtağa häm mäçetlärgä dä quyabız. Yañadan çığa başlağan “Region-Sibir»neñ berençe sanı taralıp bette. İke meñ danä belän basıla torğan ğäzetänı uqığannar, qayçan ikençe sanın kürerbez, dip sorıylar ikän. Tübäntäwde rayonınıñ Kinderle, Saz awıllarınnan da şaltıratqannar. Baş möxärrir İlsöyär Kärimova süzlärençä, Tömändä yäşäwçe 30-40 yäştägelärne bigräk tä qızıqsındırğan. Tömändä menä 15 yılğa yaqın “Yañarış” ğäzetäsı basıla. Anıñ baş möxärrire ictimaği oyışma wäkilläre utırışında: “Sezneñ bu ğäzetänı berkem dä uqımayaçaq!”,- dip äytkän ide. Ä menä “Yañarış” jurnalistı Gölnur Wälişinä: “Ber utıruda uqıp çıqtım. Barlıq mäqälälär dä bik äybät. Mäğlümät yassılığında köndäş bulsaq ta, tatar tormışı turında söyli torğan tağın ber ğäzetänıñ barlıqqa kilüenä söyenäm genä”,- dide.
Nail Alan, Tömän
“Region-Sibir» isemen üzgärtmäsä dä, cisemen üzgärtte. Anıñ berençe sanı dönya kürergä ölgerde inde. Äytkänemçä, kiläse atnada ikençe sanı basıla. Xäzer ğäzetänıñ möxärrire İlsöyär Babuşewa. Ul Tömän yanındağı Yawızbı awılı qızı. Uzğan yıl Tömän däwlät uniwersitetınıñ jurnalistiqa fakultetın tämamladı. -“Region-Sibir»ne yañadan tudı, yañadan dönya kürde dip äytsäñ dä bula. Elek ul politik ğäzetä ide. Bügen isä ixtibarnı tatar milli tormışına yünältä. Menä berençe sanın ğına qulğa alsaq ta, anda bik ähämiätle mäqälälär bar. Mäsälän Wağay rayonında tuğan telne öyränügä ixtibar kimegän. Tatar xalqı ni öçen Salawat, Aydar kebek kürenekle cırçılarğa ğına yöri. 1905 nçe yılda Yambay awılınıñ ber malaynı çuqındıru böten böten tirä yaqnı teträndergän. Cıynap äytkändä alğa taba “Region-Sibir” bitlärendä säyäsät, mäğärif, mädäniät, din, tarix, milli aşlar, sport, biznes, sälamätlek turında mäqälälär dönya küräçäk. Küp yäşlärneñ, bigräk tä şähärnekelär, tatarça uqıy belmäwen iskä alıp, mäqälälär rus telendä basıla. Bu xäl tatarça yazılğannarına bötenläy dä urın bulmas digän süz tügel. Şuña kürä bez berençe çiratta “Region-Sibir”ne yäş häm urta buın uqır dip ömetlänäbez. Plannarıbız kiläçäktä oyışqan räweştä ğäzetäğa yazılunı buldıru. Älegä bez anı tatar awıllarına, Tubıl şähärenä cibäräbez. Tömändä Ölkä kitapxanäneñ milli ädäbiätlar bülegennän dä alırğa mömkin. Şulay uq Parfen, Qazarowa kibetlärenä, poçtağa häm mäçetlärgä dä quyabız. Yañadan çığa başlağan “Region-Sibir»neñ berençe sanı taralıp bette. İke meñ danä belän basıla torğan ğäzetänı uqığannar, qayçan ikençe sanın kürerbez, dip sorıylar ikän. Tübäntäwde rayonınıñ Kinderle, Saz awıllarınnan da şaltıratqannar. Baş möxärrir İlsöyär Kärimova süzlärençä, Tömändä yäşäwçe 30-40 yäştägelärne bigräk tä qızıqsındırğan. Tömändä menä 15 yılğa yaqın “Yañarış” ğäzetäsı basıla. Anıñ baş möxärrire ictimaği oyışma wäkilläre utırışında: “Sezneñ bu ğäzetänı berkem dä uqımayaçaq!”,- dip äytkän ide. Ä menä “Yañarış” jurnalistı Gölnur Wälişinä: “Ber utıruda uqıp çıqtım. Barlıq mäqälälär dä bik äybät. Mäğlümät yassılığında köndäş bulsaq ta, tatar tormışı turında söyli torğan tağın ber ğäzetänıñ barlıqqa kilüenä söyenäm genä”,- dide.
Nail Alan, Tömän
