Accessibility links

шимбә, 3 декабрь 2016, Казан вакыты 18:40

K.Annan Süriä xärbiläre Livandağı parlament saylawlarınnan elek annan çığıp kitäçäk dip uylıy


BMO general sekretarı K.Annan Süriä xärbiläreneñ Livannan çigenüe may ayında Livandağı parlament saylawlarınnan elek tämamlanır dip kötä. Bu Süriäneñ çigenüe turında Annannıñ berençe märtäbä bilgele ber waqıtnı telgä aluı bulıp tora. Annannıñ mäxsus ilçese Terje Roed-Larsen jurnalistlarğa Süriäneñ kileşelgän çigenü planı bilgelängän grafikadan alda bara häm Xızbulla suğışçıların qoralsızlandıru turındağı dialog dewam itä dip söylägän.

Kofi Annan küräsen sonğı könnärdä Süriäneñ çigenü tizlegenä qarap ,çigenü may ayında Livandağı parlament saylawlarınnan elek tämamlanır dip uylıy.Annanıñ ilçese larsen jurnalistlarğa , Süriä 14meñ ğäskärieneñ öçtän ber öleşen öygä qaytarırğa digän berençe faza yöklämäsen yaqınça ütäde dip äytep bula, qalğan xärbilärneñ zur öleşe Süriä çigenä yaqın Bekaa Üzänlegendä dip söyläde. Larsen Süriä xärbiläre alarnıñ qoral, cihazları häm küzläw oyışmalarınıñ çığıp kitüe Livanda parlament saylawları öçen bilgelängän may ayınnan elek tämamlanır dip kötelä dide.

Larsen(audio)

Miña wäğdälär birelde , yöklämälär ütäläçäkme şunı kötäm. Älege waqıtta xärbi personal häm cihazlar Bekaa Üzänenä taba küçerelä. Sonğı könnärdä küzläw buroları şulsanda Beyruttağı küzläw idaräse başkavartirınıñ yabıluına şaxit buldıq.

Annan yaqınça 3 distä yıl Livanda torğan ğäskärilären İminlek Şurasınıñ rezolutsiäse taläp itkäneçä çığarsın dip Damasqa basım yasaw wazıyfasın Larsenğa yäkläde. Livanda ütkän ayda säyäsätçe Rafik Haririnıñ üterelüennän soñ Süriä xärbiläreneñ çigenüe bik möhim temağa äylände , küplär üterü öçen Damasknı ğäyepli. Haririnıñ üterelüen tikşergän BMO mäxsus missiäse eşen tämamlap,başkvartirağa qayttı, ul tizden xisabın iğlan itäçäk dip kötelä. İminlek Şurası Livandağı barlıq qorallı törkemnärne qoralsızlandırırğa häm taratırğa çaqıra . Süriäneñ çığıp kitüe belän Livanda İran tarafınnan yaqlanğan qorallı Xızbulla firqası ğına qala.Larsen älegä bu turıda İran belän söyläşüne planlaştırmasa da Livanda andıy diskussilär bara ikän.

Larsen(audio)

barlıq taraflar İminlek Şurasınıñ 1559 nomerlı rezolutsiäseneñ barlıq maddälären şulsanda bu mäsäläne dä ütärgä tieş. Bez bu eşlär saylawlardan elek bulır dip kötmibez. Min barlıq bu maddälär turında dialog bara häm alarnıñ barısı da ütälergä tieşle dip äytäm

Xızbulla Livannı saqlaw, İzrael agresiäsenä qarşı quyu öçen qoralların taşlarğa cıyınmıy. K.Annan atnakiçtä yasağan belderüendä çigenü häm saylaw protsesı waqıtında Livanda totrıqlılıqnı häm berdämlekne saqlarğa çaqırdı General sekretar Annan 19nçe apreldä İminlek Şurasında Süriäneñ Livannan çigenüe turında mäğlümät biräçäk. İminlek Şurası äğzaları AQŞ belän Fransiä çigenüe öçen Damasqa qatı basım yasıy. Waşington qoralların taşlağançı Xızbulla terroristlar isemlegendä toraçaq dip belderde. färidä xämit
XS
SM
MD
LG