Rusiä prezidentı Vladimir Putin Fransiä, Germaniä häm İspaniä citäkçeläre belän söyläşü öçen bügen Parijğa kilde. Başta Putin Fransiä prezientı Jak Şirak belän oçraştı. Alar bergäläp Parij çitendäge hawa nığıtmasına barı kilde. Soñraq alarğa Germaniä kanslerı Gerhard Şröder belän İspaniä premier-ministrı Xose Luis Zapatero quşıla. Mondıy 4-yaqlı oçraşu berençe tapqır ütä. Fransiä prezidentı idaräse belderüendä äytelgänçä, oçraşunıñ maqsatı – Rusiä prezidentına duslıq qulı suzıp, anı demokratiä häm iqtisadi üzgäreşlär yulınnan barırğa öndäw. Oçraşuda şulay uq, 10 Mayda Mäskäwdä ütäçäk Rusiä-Yevropa Berlege sammitına äzerlek barışı tikşereläçäk.
