Accessibility links

дүшәмбе, 5 декабрь 2016, Казан вакыты 13:32

Xalıq şağire Marat Kärimov 75 yäşen bäyräm itä


Başqortstanda yäşäwçe tatar ädiplärennän iñ kürenekleläreneñ berse – Başqortstannıñ xalıq şağire Marat Kärimovqa 75 yäş tuldı. Şuñı uñaydan comğa könne Başqortstan däwlät filarmoniäsendä tantanalı kiçä äzerlände. Yübilyärnı qotlarğa Başqortstannan tış başqa kürşe töbäklärdän, şul isäptän Tatarstannan da küp kenä qunaqlar da kilde.

Marat ağa Kärimov üzeneñ talantlı icatı belän tatar häm başqort xalıqlarınıñ urtaq yaratqan şağirenä äwerelde. Törle yıllarda qayber gäzit häm jurnallarğa da möxärrirlek tä itte ul. Ä soñğı un yılğa yaqın waqıt eçendä Marat Kärimov Başqortstan Yazuçılar berlegendäge tatar yazuçıları berläşmäse räise wazıyfaların başqardı. Şul yıllar eçendä Marat ağanıñ tınğısız xezmäte belän rayonnarda häm şähärlärdä ällä küpme yäş talantlar açıldı. Baytaq qına tatar şağirläre häm prozaikları üzläreneñ ädäbiätkä nıqlap ayaq basuına näq menä Marat Kärimovqa räxmätle.

Yubiley tantanası aldınnan bez xalıq şağire belän oçraşıp, anıñ täessortaların häm icadi plannarın beleştek.

Audio (Marat Kärimov)

Sez 75 yäşlek yübileyen bäyräm itüçe Başqortstannıñ xalıq şağire Marat Kärimov fikerlären işetegez. Ufadağı tantanalardan soñ, kiläse atnanıñ şimbäsendä Marat Kärimovnıñ yübileyenä bağışlanğan zur kiçä anıñ tuğan yağı – Ziançura rayonında da ütäçäk.

Fänis Fätxi, Ufa

XS
SM
MD
LG