Accessibility links

якшәмбе, 4 декабрь 2016, Казан вакыты 19:20

Qazaxstanda elekke parlament räise Jarmaxan Toyaqbay prezident saylawlarına oppozitsiä namzäte bulıp çığa


Qazaxstandağı oppozitsion törkemnär elekke parlament räise Jarmaxan Toyaqbaynı saylawlarda prezident Nursoltan Nazarbayevqa qarşı urtaq nazmät itep çığaru turında kileşte. Toyaqbay Qazaxstanda iñ tä'sirle säyäsi citäkçelärneñ berse dip qarala. Ul xärämläşülär belän ütkän parlament saylawlarına protest belderep uzğan üktäber ayında parlament räise wazıyfasınnan kitte. Bügen Toyaqbay Nazarbayevnı prezident xakimiäten absurd däräcädä kiñäytüdä häm demokratiägä çaqırularğa qarşı toruda ğäyepläde. Associated Press agentlığı belderüençä, Toyaqbay bügen Alma-ata şähärendä 600-läp demonstratsiäçe qarşında çığış yasağan, oppozitsion törkemnär Ğädel Qazaxstan öçen isemle berektäşlek tözegän. Qazaxstanda ütäçäk prezident saylawları könen bilgeläw turında bäxäslär bara. Räsmilär saylawlarnıñ 2006-nçı yıl dikäberendä ütäçäk disä, oppozitsiä saylawlar bu yılnıñ dikäberendä ütärgä tieş dip täqrarlıy.

XS
SM
MD
LG