Accessibility links

шимбә, 3 декабрь 2016, Казан вакыты 22:51

Näsim Aqmal: «Bergä, ğomergä!» [ Mäğrifät ]


«Mäğrifät» gäziteneñ 12 martta çıqqan bıyılğı 11 sanında redaksiägä kilgän ber temağa bağışlanğan ike xat iğtibarnı cälep itte. Alarnıñ bersen Tatarstannıñ Sarman rayonı urta mäktäbeneñ tatar tele häm ädäbiät uqıtuçısı Räzinä Safina yazğan. Anda ul Başqortstannıñ Älşäy rayonı mäğärif citäkçeläreneñ, täcribä urtaqlaşu maqsatı belän kilep, Sarman urta mäktäbe kollektivı uzdırğan açıq däreslären, uqıtuçılarnıñ icat laboratoriäläre belän tanışıp kitüläre turında yaza.

Ä ikençe xat Başqortstannıñ Neftekama şähärennän. E.Ğaripova üzeneñ xatında Tatarstannıñ Tübän Kama rayonı mäğärif xezmätkärläre delegatsiäse bulıp kitüe turında yaza. Tübän Kamadan kilgän qunaqlar Neftekama şähärendäge tatar mäktäplärenä tatar kitapları, metodik äsbaplar belän yärdäm itärgä äzer buluları turında, häm uqıtuçılarnıñ ber-berse belän qunaqqa yöreşergä süz quyışuları turında belderä.

Gäzitneñ şuşı uq sanında redaksiä xezmätkäre Näsim Aqmalnıñ «Bergä, ğömergä!» dip isemlängän yazması gäzitneñ şul uq bitendä Başqortstan gerbı astında bastırılğan. Bu yazma Başqortstan belän Tatarstan arasında duslıq küpere saluçılarnıñ berse Mauzir Ğiniätullin turında. Mauzir Ğiniätullin inde küptän ike respublika arasındağı mönäsäbätlärne yaxşırtu mäsäläläre belän şöğellänsä dä, moña qädär äle anıñ turında gäzit bitlärendä yazmalarnıñ kürengäne yuq ide.

Mälikä Basıyr
XS
SM
MD
LG