Accessibility links

сишәмбе, 6 декабрь 2016, Казан вакыты 08:56

Qazanda Näwrüzne bäyräm ittelär


Könçığış xalıqlarınıñ, törkilärneñ Näwrüz bäyräme bıyıl bik üzençälekle buldı. Qar-burannar, salqın cil, 10 graduslı suıq ber dä yaz könenä oşamağan. Şulay da, soñğı yıllarda tarixi, milli añı üskän tatarstanlılar şuşı qışqı köndä yaznı qarşıladılar. Ğädättä, soñğı waqıtta kommunistlar häm monetizatsiädän intekkän pensionerlar miting ütkärä torğan urında, Qamal teatrı qarşında, Näwrüz bäyräme ütkärelde. Anda sänğät yoldızları çığış yasadı, milli uyın qoralları yañğıradı, Qış babaynı ozatıp, Näwrüzbikäne qarşılaw tamaşaları, bigräk tä üzbäk milli cämğiäte wäkilläreneñ çığışları borınğı milli ğöreflärne iskä töşerde. Bäyräm milli-mädäni cämğiätlär Assotsiatsiäse yärdämendä oyıştırıldı.

Näwrüz – yaña kön, yaña zaman, digän süz. Törki kalendare buyınça yaña yıl başlandı. Ä Tatarstanda bu atnada respublika citäkçesen yañartu yolası bulaçaq. 25 martta, comğa könne, Tatarstan Däwlät Sovetınıñ plenar utırışında Rusiä prezidentınıñ täqdime buyınça respublika prezidentı saylanaçaq. Mintimer Şäymievnıñ prezidentlıq waqıtı tämamlanırğa ber yıl qalsa da, ul yañadan biş yıllıq prezident waqıtına raslanırğa tieş. Şul uq könne yaña prezidentnıñ wazifalarğa kereşü yolası – inauguratsiä häm tantanalı konsert ta bulaçaq. Bu könnärdä Däwlät Sovetınıñ komitetları Vladimir Putinnıñ täqdimen üzläreneñ utırışlarında tikşerep, bulaçaq prezidentnıñ yazmışın xäl itälär.

Menä şulay, kommunistlar, demokratlar üzlärençä, milli xäräkät häm morzalar üzlärençä uzğan zamannar häm kiläçäk turında uylıylar. Azatlıq radiosı tapşıruların Tatarstan däwlät radiosı aşa tıñlawçılar tağın 10 könnän efir dulqınnarında Azatlıqnı tota almayaçaq. Çönki Tatarstan teleradiokompaniäse yabıla, şulay bulğaç, anıñ yaña tapşırular çeltärenä bezneñ tapşırularıbıznı retranslätsiäläw kermägän. Dimäk, Azatlıqnı tıñlawçılar qısqa dulqınnar yäki Tatarstan-Yaña ğasır radiosı aşa kiçke säğät 9 häm irtänge säğät 5тә tapşırularıbıznı tıñlıy alaçaq. Radionıñ qazan byurosınıñ adresı häm telefonnarı da üzgärde. Bu düşämbedän başlap ul Gorki uramındağı 8 yortta eşli. Yaña telefon – 705 246.

Rimzil Wäli

XS
SM
MD
LG