Accessibility links

җомга, 9 декабрь 2016, Казан вакыты 14:49

Askar Akayev Qırğızstanda parlament saylawlarınıñ näticälären tikşerergä çaqırdı


Qırğızstan prezidentı Askar Akayev bügen matbuğat oçraşuında Üzäk Saylaw Komissiäse xärämläşülär buluda şiklänelgän töbäklärdä tawış birü näticälären yañadan tikşerep çığarğa tieş, dip belderde. Uram cıyınnarı barğan töbäklärgä ayıruça iğtibar itergä kiräk, dide Akayev. 27nçe fivral könne uzğan parlament saylawlarında xärämläşülär buluı turında xäbär itelde. Qırğızstan oppozisiäse, Yevropa häm Amerika Quşma Ştatları küzätüçeläre tawış birüdäge citdi qanun bozular turında kisätte. Xökümät köçläre moñarçı bu ğayepläwlärne kire qağıp kilde. Qırğızstan oppozisiäse respublikanıñ tönyaq häm könyağında berniçä şähärne üz kontrolenä alğannarın xäbär itä. Azatlıq radiosınıñ Qırğızstandağı xäbärçese mäğlümatlärenä qarağanda könyaqta Jalal-Abad häm ikençe iñ zur şähär sanalğan – Oş piketçılar qulında. Tönyaqta isä uram cıyınnarın oyıştıruçılar Talas häm Koçkorda, şulay uq berniçä keçeräk şähärdä möhim binalarnı üz kontrolenä alğan. Oppozisiä yulbaşçılarınıñ berse, Kurmanbek Bakiyev, bügen Bişkäktä matbuğat oçraşuında, prezident Askar Akayev qatnaşu şartı belän xakimiätlär belän söyläşülär başlarğa äzer bulğannarın belderde. Qırğızstannıñ elekke premyer-ministrı Bakiyev, Akayevnı söyläşügä çaqırdı: "Bu wazğiättän çığu öçen nişlärgä kiräk? Bälki bezneñ prezidentıbız, Akayev äfände, kierenkelekne çişer öçen oppozisiä belän utırıp söyläşergä äzerlänergä tieşter?" dide Bakiyev Prezidentnıñ matbuğat wäkile Abdil Segiz-bayev, mondıy söyläşülärne uzdıru mömkinlege bar, dip xäbär itte. Xäzerge waqıtta, xalıqnı tınıçlandırırğa, bulğan xällärne señderergä, soñınnan xalıqnıñ taläpläre turında söyläşülär başlarğa bula, dide Segizbayev. Uram cıyınnarında qatnaşuçılar, Akayevnıñ prezident urınınnan kitüen taläp itä.

XS
SM
MD
LG