Accessibility links

шимбә, 10 декабрь 2016, Казан вакыты 16:02

İran AQŞtan iminlek garantiäsen kötä


Xalıqara Atom İdaräse başlığı Mohammäd ElBaradei, Yevropa diplomatları Tährannı atom eşçänlegen tuqtatırğa ügetlägändä, Amerika Quşma Ştatları da İranğa ber törle iminlek garantiäse birergä tieş, dip belderde. Parijda jurnalistları aldında ElBaradei, töbäktä iminlek mäs'äläse – barı tik Yevropanıñ ğına eşe bula almıy, İran öçen amerikannarnıñ da süze möhim, dide. Şulay uq ul söyläşülärneñ däwam itäçägenä ömet belderde: "İran häm Yevropa illäre başlağan söyläşülär däwam iter dip ömetlänäm," dide ElBaradei. Fransiä, Britaniä häm Germaniä İranğa atom programmasınıñ tuqtatıluına cawap itep säyäsi häm iqtisadi yardäm täqdim itä. Waşington Tährannı atom energiäse programması iseme belän atom qoralın citeşterüdä ğayepli. Ämma Yevropa Berlegeneñ söyläşülären yaqlıy. İran üzeneñ atom programmasınıñ barı tik elektr citeşterü öçen qullanıluın belderä, ämma inde ike distä yılğa yaqın programmanıñ ber öleşen Xalıqara Atom İdaräsennän yäşerep tota.

XS
SM
MD
LG