Accessibility links

шимбә, 10 декабрь 2016, Казан вакыты 02:13

Yulia Tymoşenko Rusiägä baraçaq


Ukraina premyer-ministrı Yulia Tymoşenko, Rusiä prezidentı Vladimir Putinnıñ çaqıruın qabul itep Rusiägä barırğa riza bulğanın belderde. Putin Tymoşenkonı Rusiägä şimbä könne Kievta bulğan çaqta çaqırğan. Säfärneñ waqıtı äle bilgelänmägän dip xäbär itelä. Ukrainada yaña citäkçelek xakimiätkä kilgännän soñ şimbä könne Putin Kievqa berençe tapqır ber könlek säfären yasadı. Tymoşenko'nıñ säfäre Ukraina belän Rusiä arasındağı mönäsäbätlärne yaqınaytır, dip farazlana. Rusiä general prokurorı, Tymoşenko Rusiägä kilsä qulğa alınmayaçaq, dip belderde. Ukraina premyer-ministrı Rusiä saqlanu räsmilärenä rişwät birüdä ğayeplänä, anı qulğa alu öçen xalıqara möräcäğät qabul itelgän. Tymoşenko böten ğayepläwlärne kire qağa.

XS
SM
MD
LG