Accessibility links

чәршәмбе, 7 декабрь 2016, Казан вакыты 17:41

Marat Ğäliev: Min RF Prezidentı qararları belän siräk kileşäm


Sişämbedä TR Däwlät Sovetınıñ İqtisat, investitsiälär häm eşquarlıq komitetı TR Prezidentı postına Rusiä Prezidentı Vladimir Putin täqdim itkän Mintimer Şäymiev kandidaturasın küpçelek tawış belän yaqladı. Komitet räise Marat Ğäliev utırışnı açqanda TR Prezidentı wäqälätlären Mintimer Şäymievkä birü yazmışnı xäl itüçe mäs'älä buluın assızıqladı. Älege mäs'älä buyınça berençelärdän bulıp üz fikeren Kommunistlar fraksiäse deputatı Robert Sadıkov belderde. Ul qabat RF subyektları başlıqlarına wäqälätlär birü turındağı federal' zakonnı tänqitläp çıqtı häm bu mäs'älä turında fiker alışmasqa çaqırdı. Küpçelek deputatlar xäzerge prezidentnı häm respublikanıñ säyäsi kursın yaqlap çığış yasadı. Mintimer Şäymievneñ qazanışları arasında deputatlar, berençe çiratta, Tatarstan iqtisatınıñ dinamik üseşen, millätara häm dinara tatulıq turında bilgeläp ütte. Marat Ğäliev bilgeläp ütkänçä, üz waqıtında ul älege federal' zakonğa qarşı çığış yasağan. “Ämma zakon qabul itelde häm min anı ütärgä mäcbürmen. Min RF Prezidentı qararları belän siräk kileşäm, ämma bu oçraqta respublika prezidentınnan uñdı, dip isäplim. Küpmillätle Tatarstanda totrıqlılıqnı saqlaw mä’säläse bik möhim mäs'älä”, - dip assızıqladı Marat Ğäliev. Yaqlap birelgän 13 häm ber “qarşı” tawış belän komitet TR Däwlät Sovetına TR Prezidentı wäqälätlären Mintimer Şäymievkä birergä täqdim itte. Bu xaqta Tatar-inform mäğlümat agentlığı xäbär tarattı

Räfis Cämdixan

XS
SM
MD
LG