Accessibility links

пәнҗешәмбе, 8 декабрь 2016, Казан вакыты 09:05

Qazannıñ 1000 yıllığına 1000 millättäşebez kilerme?


Bügenge köngä çaqırularnı çit illärdäge millättäşlärebezgä cibärü eşe bara. Kongressnıñ BDB häm çit ildäge tatarlar belän eşläw bülege xezmätkäre Röstäm Gaynetdinov beldergänçä, çaqırular 252 millättäşebezgä bilgelängän. Şulardan Amerika, Törkiägä 20, Finlyandiägä 15, Pol'şa, Almaniägä 10, Çexiägä 3 keşegä. Tağın şunı äytergä kiräk BDB häm Baltiq illärendäge millättäşlärebezgä viza häm yul çığımnarın federal' üzäk qaplayaçaq. Qazaqstannıñ 18 cämgyätenä 30 keşegä kvota birelgän, Ukraina, Üzbäkstanğa 20 keşe, Qırğızstan 15 keşe, Äzärbaycan, Latviä, Litvağa unışar keşe, Estoniägä 5 keşegä çaqıru cibärelgän. Monnan tış Yaponiä, Rumıniä, Ğäräp Ämirlegennän häm başqa küp kenä illärdän millättäşlärebez kiläçäk. Ägär çit illärdäge millättäşlärebezgä çaqırular cibärelsä, Rossiä töbäklärenä älegä qädär bu eş başlanmağan dip äytergä mömkin. Bu xaqta BTK Başqarma komitetınıñ Rossiä federatsiäsendäge tatar ictimaği oyışmaları belän eşläw bülege citäkçese Mars Tukaev bolay dip belderde

Älegä qädär Rusiä töbäklärenä kvotalar bilgele tügel häm çaqırular cibärelmäde. Ämma bezgä köndä törle töbäklärdä millättäşlärebez şaltıratıp çaqıru cibärüne sorıylar. Äbilär Qazannıñ yubileen kürsäk ülsäk tä ükenmäs idek dilär.

Bilgele bulğança, Qazan yubileena küp qunaqlar kiläçäk, şul säbäple biletlar belän qıtlıq kilep çığuı da bik ixtimal. Çaqırular cibärü belän soñğa qalmayaçaqsızmı digäç Bötendönya tatar kongressı Başqarma komitetı räiseneñ berençe urınbasarı Rinat Wälullin “Azatlıq” radiosına bolay dip belderde

Biletlar alu säbäple operativ eşlärgä kiräklegen añlıybız. Ämma bez xätta ber atna qala da çaralar uzdırğan bar. Qazannıñ yubileena telägän här keşe kilä ala. Ämma bez eş kürsätkän aktiv millättäşlärebezne çaqırıp alarğa büläk yasıysıbız kilä.

Bötendönya tatar kongressı Başqarma komitetı räise Rinat Zakirov yubileyğa milli eşlärdä aktivlıq kürsätkän keşelär genä kiläçäk dip belderä. Şul säbäpleme, inde xäzerdän ük töbäklärdäge tatar oyışmalar arasında ber-bersenä tänqit süzläre äytüçelär yışaydı. Tatarlar arasında tarqawlıq uyanmasmı. Bu soraw bulıp qala.

Landış Xarrasova

XS
SM
MD
LG