Accessibility links

сишәмбе, 6 декабрь 2016, Казан вакыты 20:57

AQŞta katolik ruxaniläre ülem cazasına qarşı köräşä


AQŞta katolik citäkçeläre ildä ülem cazasın beterergä çaqıra. Katolik Episkoplarınıñ Amerika Konferensiäse berençe märtäbä 1974nçe yılda ülem cazasına qarşı buluın beldergän ide. Alar xäzer amerikan cämäğätçelege ülem cazasına qarata kübräk tänqitle qaraş belderä- sonğı waqıtlarda küp kenä ülem cazaların ğämälgä quymawda moñı kürsätä dip äytä. Katolik citäkçelege ilneñ qarar çığaruçılarına täsir itep AQŞ säyäsäten üzgärtügä ireşä alamı digän soraw üzäk urında tora.

Waşington arxiepiskopı kardinal Theodore McCarrick atnakiçtä press konferensiädä Rim-Katolik çirkäwe xökümätneñ xalıqnı üterüçe-cinayätçelärdän saqlawına qarşı tügel dide

Mccarrick(audio)

Katolik çirkäwe bik küptännän däwlätneñ cämğiätne saqlaw öçen ülem cazasın qullanu xoquqın qabul itep kilde. Şulay da çirkäw , däwlätneñ cämğiätne saqlaw öçen başqa çaraları bar ikän ul annan wazkiçergä tieş dip arta barğan açıqlıq belän israr itep kilde.

McCarrick ,AQŞları qurqınıçlı keşelärne ütermiçä dä izoletsiädä tota ala dip östäp quyğan. 2003nçe yılda AQŞları in küp ülem cazasın ğämälgä quyğan illär isemlegendä 3.urında. Qıtay 726 , İran 108 ä AQŞ 65 ülem cazasın ğämälgä quyğan.Ülem Cazası Mäğlümät Üzäge äytep kitkän sannarnı kiterä. Bitaraf tikşerü üzäge 1984nçe yıldan birle 177il bu praktikanı köçtän çığardı dip belderä. Kardinal McMarrick üz oyışmasınıñ ülem cazasna qarşı nindider däräcädä säyäsi lobby alıp baraçağın ämma bu kampaniäneñ in küp katolik mäktäpläre , çirkäw mäktäplärendäge uqutu programmasında çağılış tabaçağın äytte. 4 yıl elek katoliklarnıñ 70% ülem cazasın yaqlawın beldersä xäzer 50% tan da kimeräk ul fikerne yaqlıy..Mccarrick fikerençä moña 2000nçe yılda İllinois ştatı gubernatorı George Ryannıñ barlıq ülem cazaların köçtän çığaruı säbäp bulğan. Ryan elek ülem cazasın yaqlawçı bulğan. Ämma ülem cazasına xökem itelüçelärneñ kübeseneñ yalğış xökem itelgäne açıqlanğannan soñ ul fikren üzgärtä. Human Rights Watchta ülem cazası mäsäläläre belgeçe Dorit Radzin katolik çirkäwe inisiativasın xuplap çıqqan. Radiobızğa birgän ängämädä

Radzin(audio)

AQŞları sivilizatsiäle Dönyadağı tendensiäne qabul itergä tieş.AQŞ Dönyada in küp ülem cazasın ğämälgä quyğan illär arasında .Bez äle dä ülem cazası qullanışta bulğan häm anı yaqlawçı berniçä demokratik ilneñ berse.

Radzin qaraşınça näticägä ireşü öçen yalğız säyäsätçelär tügel ä ğadi katoliklar arasında kampaniä alıp baru täsirle çara , ayruça uqutu programmasına moñı kertü kiläçäktä tawış birgändä ülem cazasına qarşı bulğan citäkçelär faydasına bulaçaq . Radzin da sonğı berniçä yılda cämäğätçelek fikre üzgärep ülem cazasına qarşı buluçılar arta başladı. Yalğış ülem cazasına xökem itelüçelär sistemağa ışanıç bulmawın kürsätep tora dip söyli. Ämma Waşington da urnaşqan Heritage Foudatiton da kriminal yustitsiä belgeçe David Mülhausen ülem cazasın tıyğan illär AQŞqa qarağanda moral östenlekkä iä dip uylaw xatalı di. Mülhausen radiobızğa xökümätneñ in möhim moral wazıyfası watandaşların saqlaw dip belderde. Ul tikşerülär kürsätkäneçä , xökem itelgän üterüçene üterü, cämğiätne bu üterüçedän genä tügel ä potensial üterüçülärdän dä saqlıy , çönki alar ülem cazasına duçar bulaçaqlarınnan qurqa, ülem cazası köçle kündermä bulıp tora dip söyläde.

Mülhausen(audio)

Ul qayber bilgele ğämällärgä cämğiätneñ çıdamlıq kürsätmäwenä kündermä bulıp tora.Minemçä bilgele şartlarda başqa keşene ütergän keşelär ütereläçäk dip äytü döres kündermä.

Mülhausen Amerika episkopları hiç şiksez prezident Bushqa başqa mäsälälärdä täsir itä alır, ämma 6yıl Texasta gubernator bulıp torğan Bush 130dan artıq keşene ülemgä cibärgän, ul tizgenä fikeren üzgärtmäs dip uylıy . Çirkäw belgeçläre misal öçen First Thing isemle dini jurnal muxarrire pop John Neuhaus ülem cazası konservativ katoliklarnı abort häm ber cineslärneñ öylänüänä qarşılıq kürsätü kebek berläşterer mikän digän soraw quya. färidä xämit
XS
SM
MD
LG