Accessibility links

чәршәмбе, 7 декабрь 2016, Казан вакыты 23:14

Mäskäwdä “Rusiäneñ islam mirası” dip atalğan yaña ictimağıy xäräkät oyıştı


Bu xaqta Rossiä qunaqxanäseneñ altın zalında ütkän oyıştıru konferenssiäse iğlan itte. Konferensiädä Rusiäneñ 42 töbägennän 98 wäkil qatnaştı. Töp xisap belän yaña oyışmasınıñ oyıştıru qomitetı räise Xösäyen Cabrailov çığış yasadı. Çeçen millätennän bulğan Umar häm Xösäyen Cabrailovlar danlıqlı eşquarlar. Alar äle 2003 yılda “Demoqratiä häm soöial üseşkä teläktäşlek” digän fond ta oyıştırğan bulğannar. Yaña oyışmanı barlıqqa kiterüdä bu fond zur öleş kertkän. Üzeneñ çığışında Xösäyen Cabrailov, bügenge köndä barlıq islam dönyasında tirän üzgäreşlär bara. Bez böten ğäläm möselman dönyasınıñ ber öleşe. Bez teläsäk tä bu üzgäreşlärdän çittä qala almıybız. Bez islam dönyasınnan çitläşsäk, bezne Äl- Qäidä basıp alaçaq, dide. . Bez üzebezneñ ,häm ilebezneñ fänfäğatlären dialoğ häm xezmättäşlek yärdämendä Möselman dönyası dip atalğan dönyada saqlap qalırğa tieş dide ul. Oyıştıruçılarnıñ äytüenä qarağanda bu oyışma säyäsi dä, dini oyışma da tügel. Ul millätara ictimağıy xäräkät bulaçaq..Oyıştıruçılarnı şulay uq Qawqaz töbägendäge yäşlärneñ yazmışı da borçıy. Çönki Qawqazda yäşlärgä yul kürsäterdäy oyışma yuq di alar. Ä xäkimiät bu yaqtan bitaraflıq kürsätä dip sanıy, Rusiäneñ islam mirası dip atalğan xäräkätne oyıştıruçılar. Äytkänemçä bu oyıştıru konferensiäsendä deleğätlar küp ide. Çığış yasawçılar yaña oyışmağa uñış teläp kenä qalmıy, üz teläklären dä belderdelär. Rusiäneñ möftilär şurası räistäşe Nafiğulla Aşirov üzeneñ çığışında bu oyışma dini idarälärne qontrol''dä tota torğan oyışma bulmasqa tieş digän fikeren belderde.Tatarstannan da wäkillär küp ide. Alar barısı da çığış yasadı. Konferensiäneñ tänäfes waqıtında alarnıñ qaysı berläre belän söyläşü mömkinlege dä buldı. Tatarstannan tarix institutı direktorı Rafayıl Xäkimov ta çığış yasadı. Üzeneñ çığışında ul oyışmanıñ kiräklege xaqında da cäditçelelk xäräkäte turında da söyläde. Tatarstan deleğäsiäsendä xalıq küp ide. Mäsälän Räşit Yağafarov bu yaña ictimağıy xäräkät Däwlät Dumasında möselman fraqsiäse barlıqqa kilüdä üz rolen uynayaçaq dip belderde. Ä inde Tatarstan möselman xatın qızları citäkçese Elmira İdiatullina xalıqnı ruxi yaqtan tärbiäläwdä Rusiäneñ möselman mirası oyışması zur öleş kerter dip ömetlänä. Şulay itep bügen Rusiädä, 20 million Rusiä möselmannarın berläşterergä yöz totqan” Rusiäneñ islam mirası” dip atalğan ictimağıy xäräkät barlıqqa kilde.

Näzifä Kärimowa, Mäskäw.
XS
SM
MD
LG