Accessibility links

шимбә, 3 декабрь 2016, Казан вакыты 12:35

Ulyan tatarları Qazanda


Çärşämbe könne Qazanğa Ulyan tatarları delegatsiäse kilep, BTK Başqarma komitetında, Säwdä ministrlığında, Qazan yärminkäse kürgäzmälär üzägendä, Säwdä-İqtisat palatasında buldılar. Şulay uq, Tatarstan Diniä näzärätendä dä oçraşu da qatnaştı. Bu üzençälekle säfär häm tatar eşquarlarınıñ kongress başqarma komitetında oçraşu uzdı.

Ulyan ölkäse tatar eşquarlarınıñ Sember dip atalğan ictimaği oyışması bar. Anı Ulyan gubernatorı kiñäşçese, Sibirkskiy dom kompaniäseneñ general' direktorı Färit Ayupov citäkli. Färit äfände Qazanğa alıp kilgän delegatsiägä Ulyan milli-mädäni avtonomiäse prezidium äğzası Kamil Musin, ölkä zakon çığaru cıyılışı deputatı , Mozaika gäzite baş möxärrire Rasix Ğataullin, Ulyandağı Tatarstan säwdä yortı citäkçese Tälğät Zöbäyerov, eşquarlarnıñ “Sember”oyışmasın iñ başta oyıştırğan Rawil Kuzäxmätov, Mal'wa kompaniäse direktorı Nazıym Minnibaev, Pelikan reklama agentlığı direktorı Ruslan Ğäynetdinov häm bik citdi din eşlekleläre, şulay uq TV jurnalistı Rämis Safin kerä. Eşquarlar häm möselman liderları Qazanda nişläp yöri disägez, cawap bik ğadi – meñ yıllığına äzerlängän tatar märkäze belän tanışu, Tatarstan belän xezmättäşlekne caylaw häm milli eşlärne niçek alıp baru turında kiñäşü niäte belän kilgännär alar. Başqa yaqta niçekter, ä menä Semberdä eşquarlarnıñ möselman din başlıqları belän bergä eşläwe ğädätkä kergän. Ulyan ölkäse möftie Säwbän Söläymanov belän bergä, näzarätneñ eşlär idäräçese häm şähärdäge öç bazarnıñ general' direktorı İldar Safiullin, möfti urınbasarı Rafail Nizametdinov häm Mäskäwdän möfti kiñäşçese Azam Däwlätşin kilgännär.

Urtaq närsä digäne, millätne oyıştıru, ruxi häm matdi tormışnı ber yulı cayğa salu, Tatarstan belän säwdä eşlären kiñäytep cibärü dä tatarlar başlap yörü, milli avtonomiägä dä yärdäm itäçäk.

BTK Başqarma komitetındağı oçraşu da komitet räise Rinat Zakirov milli tormışnıñ bügenge xäle turında söyläde. Ul, Ulyanda bulıp ütkän gubernator saylawlarında bulıp ütkän xezmättäşlekneñ näticäle buluın assızıqladı. Federal' sabantuyın ütkärgän Mäläkäs şähäre başlığı Sergey Morozovnıñ ciñep çığuında tatarlarnıñ da öleşe bar. Gubernator kiñäşçese Färit Ayupov Sergey Morozov isemennän Tatar kongressına häm anıñ citäkçese Rinat Zakirovqa cibärgän räxmät xatın uqıp işetterde.

Bu oçraşuda mädäniät, mäğrifät turında bik küp fikerlär äytelde.

Rinat Zakirov milli mäktäp turında söyläsä, Ruslan Ğäynetdinov, Rasix Ğataullin häm Rämis Safin Sember yaqlarında milli radio, TV kanallarnı kiñäytü turında qızıqlı häm möhim fikerlär äytte. Şulay uq, bu oçraşuda, Ulyan ölkäse Milli mädäni möxtäriäteneñ kiläse comğa könne bulaçaq idärä utırışı turında da äytelde. Rossiädäge iñ yaxşı regional' möxtäriätne oyıştırğan häm ozaq yıllar citäklägän Azat Kurçakov layıqlı yalğa çığu telägen beldergän. Semberlelär anı möxtäriätneñ şäräfle räise itep saylarğa, ä yaña citäkçelekkä Mäläkäs –Dmitrivograd tatar avtonomiäse räise Roza Äxmätcanovanı saylarğa bulğannar. Comğa könne Ulyanda bulaçaq möxtäriät utırışına Rusiä tatarlarınıñ federal' milli mädäni avtonomiäse sovetı räise Rimzil Wäliev baraçaq.

Räfis Cämdixan

XS
SM
MD
LG