Accessibility links

дүшәмбе, 5 декабрь 2016, Казан вакыты 03:31

Qırğızstanda tärtip urnaştıru öçen köç qullanu ixtimalı bar


Qırğızstannıñ yaña eçke eşlär ministrı Keneşbäk Düşebayev, ildä tärtip urnaştırır öçen xökümät köç qullana ala, dip belderde. Anıñ süzlärenä qarağanda, qanunnarnı bozmağan uram cıyınnarına monnan zian kilmiäçäk, könyaqta xökümät binalarına bärep kergän oppozisiä köçläre isä – qanunnarnı bozğan. Azatlıqnıñ qırğız redaksiäse başqala Bişkäktä 200gä yaqın keşe qatnaşqan uram cıyının milisiä quıp tarattı dip xäbär itte. Berniçä distä keşe qulğa alınğan. İlneñ könyağındağı Oş şähärendä uram cıyınnarın oyıştıruçılarnıñ berse, oppozisiädäge Ata Meken Sosialist partiäse räise urınbasarı Duişon Çotonov, oppozisiä söyläşülärgä äzer, dip belderde. Ämma prezident Askar Akayevnıñ urınınnan kitü taläbennän alar çigenergä cıyınmıy. "Bezneñ inde elekkedän birle taläplärebez bar, söyläşülär başlarğa bez äzer. Ämma söyläşülärne bez prezidentnıñ urınınnan kitüen yaqlağan häm säyäsi kierenkelekne çişergä telägän keşelär belän alıp baraçaqbız " dide oppozisiä wäkile.

XS
SM
MD
LG