Accessibility links

җомга, 9 декабрь 2016, Казан вакыты 01:11

Rusiä prezidentı İzraelgä bara


Rusiä prezidentı Vladimir Putin, aprilneñ 27sendä ike könlek säfärgä İzraelgä kiläçäk. Bu xaqta İzrael räsmiläre xäbär itte. Putin yuğarı räsmi wäkillär, şul sanda premyer-ministr Ariel Şaron häm fälestin citäkçelege belän oçraşaçaq. Kreml älegä bu xäbärne raslamadı, ämma Rusiäneñ mäğlümat agentlıqları da bu xaqta xäbär itte. Rusiä – Yaqın Könçığışta tınıçlıq urnaştıru proektı ximayäçeläreneñ berse. Yul kartası dip isemlängän älege tınıçlıq planınıñ iñ soñğı maqsatı – 2005nçe yılğa Fälestin däwläten tözü ide. Söyläşülärneñ köntärtibendä şulay uq Rusiä belän İzrael arasında Mäskäwneñ Süriägä qoral satu tiräsendäge kierenkelek mäs'äläse dä bulaçaq dip kötelä. Yerusalim häm Waşington, Mäskäwneñ Süriägä qoral satuına borçılu belderä. Rusiä isä älege qoralnıñ tabiğattä saqlanu öçen qullanılaçağın äytä.

XS
SM
MD
LG