Accessibility links

якшәмбе, 4 декабрь 2016, Казан вакыты 17:18

Parijda İrannıñ atom programması turında söyläşülär başlandı


Bügen biredä Fransiä, Britaniä häm Germaniä räsmiläre İran wäkilläre belän Tährannı atom texnologiälären üsterüne tuqtatırğa ügetläw öçen çirattağı söyläşülären başladı. Nindi dä bulsa alğa kiteş bulır dip kötelmi. Kiçä İrannıñ Atom Energiäse oyışması vise-prezidentı Mohammäd Saeedi, tağın ber tapqır, xalıqara basım İrannıñ atom programmasın tuqtatuına kitermiäçäk, dip qabatladı. Fransiä, Britaniä häm Germaniä İrannı uran bayıtu programmasın tuqtatırğa ügetli. Bayıtılğan urannan atom qoralı citeşterep bula. Moña cawap itep Yevropa illäre İranğa säyäsi häm iqtisadi yardäm täqdim itä. Fransiä, Britaniä häm Germaniä, ägär dä İran uran bayıtu programmasın tärräqi itüne däwam itsä, alar da Quşma Ştatlarnıñ planına quşılıp, İran mäs'äläsen Berläşkän Millätlär Oyışması İminlek Şurası köntärtibenä quyarğa täqdim itäçäk, dip belderde.

XS
SM
MD
LG