Yaponiä mäğlümat çaraları xäbär itüençä, Quşma Ştatlardan qaçıp çıqqan şaxmat dönyası yoldızı Bobby Fischernı Yaponiä İslandiägä tapşırırğa äzer. İslandiä tanılğan şaxmatçığa watandaşlıq birergä riza.
Fischer Yaponiädä uzğan yılnıñ iülendä qulğa alındı. Quşma Ştatlar aña 1992nçe yılda elekke Yugoslaviädä şaxmat turnirında qatnaşıp iqtisadi sanksiälärne bozuda ğayepläw beldergän ide. Häm Fischer Amerika Quşma Ştatlarına tapşırılırğa tieş ide. Ämma düşämbe könne İslandiä Fişerğa watandaşlıq täqdim itte. Fischer 1972nçe yılda näq biredä Sovetlar Berlege şaxmatçısı Boris Spassky'nı ciñep dönya çempionı bulğan ide.
