Accessibility links

чәршәмбе, 7 декабрь 2016, Казан вакыты 01:02

Qırğız däwlät TV häm radiosı oppozisiä qulında


Oppozisiä köçläre bügen başqalada xökümät häm Qırğız däwlät radio häm televideniä binaların üz kontrolenä aldı. Däwlät televideniä kanalında uramdağı protest çaraları kürsätelä. Radio da oppozisiä qulına küçkäç – däwlät kanalında tapşırılğan iñ berençe programma – Azatlıq radiosınıñ Qırğız redaksiäse tapşıruları buldı. Prezident Askar Akayevnıñ qayda bulğanı bilgesez. Piketçelar şulay uq oppozisiädäge Namus partiäse yulbaşçısı, elekke vise-prezident Felix Kulovnı da irekkä çığaruğa ireşte. Däwlät kanalında çığış yasap, Kulov, Akayevnı oppozisiä belän oçraşıp tınıç şartlarda xakimiätne tapşıru turında söyläşügä çaqırdı. Bügen töndä elekke parlament utırışqa cıyılaçaq. Bu xaqta elekke deputat Oksana Malevanaya däwlät televideniäse aşa xäbär itkän. Rusiä tışqı eşlär ministrlığı oppozisiä köçlären "qanun yulına qaytırğa" çaqırdı. Bişkäktäge AQŞ ilçelege dä piketçelarnı köç qullanmasqa öndäde.

XS
SM
MD
LG