Accessibility links

җомга, 9 декабрь 2016, Казан вакыты 01:08

«Biü bombası - 2004» Uniksnı şartlattı


23 martta başqalanıñ “Uniks” mädäni küñel açu üzägeneñ biü mäydanında “Biü bombası - 2004” progressiv tatar muzıkası bulıp ütte.

Festival'ne “Quray” radiosı, “Yaña ğasır” tele-radiokompaniäse, Mäskäwneñ “Si- En-er” rekords studiäse häm “Käyef-promo” leyblı oyıştırdı. Alıp baruçı “Quray” radiosınıñ di-djee Ğäbderäxim “73,97 tuqtalışı” liderı İlgäräy tatar diskotekasına susağan 800 yaqın xalıqnı üzlärenä qaratıp tordılar. DJ Ğäbderäxim diskoteka turında bolay dip belderde:

Tatar diskotekasınıñ iñ zur noqtası ruxi orgazm kiçerü. Älege diskotekadan min ruxi orgazm kiçerep utıram

Festival'neñ töp qunağı Mäskäwdän kilgän yäş cırçı İsmal da umarta qortları kebek göjläp torğan tatar yeget-qızların kürgäç, üz ana telendä ber – ike süz äytmi qala almadı.

«Biü bombası— 2004» iskitkeç. Şunıñ qädär küp qızlar.Oyıştıruçılarğa, mine çaqıruçılarğa bik zur räxmät. Mondıy tatar diskotekaları yışraq bulsın ide

Ä tatar yäşlären festival'dä “Käyef-promo” yegetläre di-djey İldus Zakirov belän Mars-l' sikertep biettelär. Şulay uq, tatar diskätüklärenä nigez saluçı, radio di-djey, televideniedä muzıkal tapşırular alıp baruçı, cırçı bularaq bilgele bulğan Nur Aliev ta “Minem yöräk” cırı belän xalıq aldında çığış yasadı.

Nur äfände, bilgele şäxes, cırçı, alıp baruçı İdeliäneñ prodyuserı da bulıp tora. Alar ikese dä festival'dä diplom iäläre buldılar. Diplomnar digännän, İldus Zakirov älege tamaşanı oyıştıruçılarnıñ berse festival' xaqında bolay dide:

«Tanseval' bomba— 2004» tä 16 nominatsiä buyınça diplomnar birdek. «Zöläylä» triosınıñ «Can yaram» cırına töşerelgän klip yılnıñ «İñ yaxşı vidioklip» isemen aldı, «İñ yaxşı debyut» — «Ğarasat» törkeme, «İñ yaxşı xatın qız cırçısı» — İdeliä, «İñ yaxşı ir-at cırçısına» İlgäräy layıq buldı. Älbättä, barlıq nominatsiälärne atap çığarlıq tügel, qısqası alarnıñ berse dä büläksez qalmadı. Kiläçäktä alarnıñ cırları SD disklarda, audio häm video kassetalarda dönya küräçäk. Tağın şunı da äytäsem kilä, alğa taba älege festival'dä qatnaşqan cırçılarnı respublikanıñ iñ güzäl rayon üzäklärendä, şähärlärendä kürergä bulaçaq

Nominatsiälärgä kilgändä “Tatar biü muzıkasınıñ legendası” nominatsiäsendä töp ciñüçe İsxaq Xan, “Qazan şähärendä bulmağan iñ yaxşı törkem” isemenä Sarmannan “Xat” törkeme layıq buldı. “İñ yaxşı aranjirovka yasawçılar” bulıp isä Yura Fedorov belän Marat Muxin bilgelände.

“Biü bombası- 2004” menä şundıy yañalıqlar alıp kilgän ide. Döres, tatar biü muzıkası buyınça festival'lär tağı başqa isemnär astında da ütä. Häm alarnıñ härberse 21 ğasırdağı tatar muzıkasınıñ kiläçägen bilgelärgä yärdäm itä dip ışanası kilä.

Röstäm İsxaqi

XS
SM
MD
LG