Accessibility links

пәнҗешәмбе, 8 декабрь 2016, Казан вакыты 09:01

Äğzäm Fäyzraxman: “Keşe köldermik inde, cämäğät” Şähri Qazan


Bu atnada “Şähri Qazan” gäziteneñ 23 martta çıqqan sanında, oşbu gäzitneñ baş möxärrir urınbasarı, jurnalist Äğzam Fäyzraxmanovnıñ “Keşe köldermik inde , cämäğät” digän mäqäläse iğtibarnı cälep itte. Mäqälä “Qazannıñ meñyıllığı” säxifäsendä birelä . Häm süz, Qazan şähärendä yäşäwçe xalıqlarnıñ tellären saqlaw, öyränü häm üsterü, häm şulay uq , tatar tele, däwlät telläreneñ berse bularaq, respublikanıñ başqalası Qazan şähärendä bügenge köndä ni däräcädä toruı turında bara. Mäqälädän añlaşılğança, yazma avtorı Qazan şähär xakimiäte apparatınıñ milli eşlär bülege başlığı Lenar Säläxovnıñ birgän mäğlümatların kiterä. Anıñ äytüe buyınça, di ul, “Qazan şähärendä yäşäwçe xalıqlarnıñ tellären saqlaw, öyränü, häm üsterü buyınça 2003-2007 yıllarğa isäplängän programmanıñ 39 punktınnan , 33 planlı räweştä ğämälgä aşırıla dip sanıy şähär xakimiäte apparatınıñ milli eşlär bülege başlığı. Häm anıñ belderüençä, uzğan yıl bilgelängän çaralarnıñ 85 protsentı ütälgän . Xäzer sezgä mäqälädän özeklär işetteräbez. Balalar baqçalarında häm ğomumi belem birü mäktäplärendä balalarnı ana tellärendä tärbiäläw öçen böten şartlar tudırılğan. Qazanda 12 nçe yähüd mäktäbe uñışlı eşläp kilä. 66 nçı balalar baqçasında ivrit (borınğı yähüd) telendä tärbiälänüçe törkem bar. Küpmillätle yäkşämbe mäktäbendä törle millät wäkilläre öçen 22 bülek oyıştırıldı.. Tellärne häm mädäniätlärne üsterü “Ömet” şähär fondı 2004 yılda bilgelängän çaralarnıñ 72 protsentın finanslawnı tä'min itte. Ber yıl däwamında mädäniät idäräse kitapxanälärenä 3480, mäğärif idäräse kitapxanälärenä 700 danä kitap alındı. Ämma bu çaralar ğına hiç tä citärlek tügel äle. Kitapxanälärdä kitaplar fondı nıq iskerde. Soñğı yıllarda çıqqan kitaplar kitapxanälärgä bik az kilä. Kitapxanälär xätta respublikada çığa torğan gazeta-jurnallarnı da aldırmıylar.” Eşlängän eşlär dä küp ikän, ämma şulay da şähär programmasında qaralğan çaralarnıñ barısı da uq tormışqa aşmadı äle dip däwam itä yazmasın avtor. Mäqälädän özek: “Xalıq deputatlarınıñ Qazan Sovetı sesiäsendä Programmanı ğämälgä aşıru buyınça cawaplı keşelär tarafınnan tieşle çaralar kürelmäwe bilgeläp ütelde. Programma çaraları finanslawnıñ tulı külämdä alıp barılmawı tänqitlände. Çınnan da “Ömet” fondınıñ rayon bülekçäläre tarafınnan mäğärif oyışmaların komp'yuterlar, uqıtunıñ texnik çaraları, milli kostyumnar häm muzıka uyın qoralları belän tä'min itü soñğı waqıtlarda bötenläy tuqtalğan. Deputatlar şähär byudjetı keremnäreneñ ber protsentın tellär turındağı zakonnı ğämälgä aşıru öçen totu xaqında qarar çığarğannar ide bit. Ni öçen şähärdäge rayonnarnıñ xakimiätläre bu aqçanı başqa maqsatlarğa faydalanalar?- digän soraw quya yazma avtorı. Häm şulay uq Qazan Sovetı sessiäläre, prezidium utırışları, şähär külämendäge cıyılışlar, nigezdä, barı tik rus telendä bara. Alarnı ike teldä ütkärü öçen texnik mömkinleklär bar , yuğisä, dip tämamlıy yazmasın ul. Xörmätle radio tıñlawçılar! Sez, Tatarstannan Matbuğat közgese tapşıruında “Şähri Qazan” gäzitendä 23 martta basılğan Äğzam Fäyzraxmanovnıñ “Keşe köldermik inde , cämäğät” digän mäqäläsennän özeklär tıñladığız. Mälikä Basıyr Qazan.

XS
SM
MD
LG