Accessibility links

Кайнар хәбәр

Qırğızstandağı waqığälärgä AQŞ häm kürşe illärneñ reaksiäse


AQŞ Däwlät Departamantı Qırğızstanda xakimiät almaşuına qarata , başqa illär kebek Amerika da Qırğızstanda totrıqlılıq urnaşuı belän qızıqsına häm andağı protestlar öçen Waşington cawaplı digän raportlarnı kire qağa dip belderde.Üzäk Aziädä Qırğızstanğa kürşe illärdä opozitsiädäge partiä, xäräkätlär qırğız inqilabına qarata şatlıq , söyeneç beldersä , räsmilär ciñüçelärne töbrikläw öçen aşıqmıy.

AQŞ Däwlät Departamentı süzçese Adam Ereli bu atnda inde ikinçe märtäbä Qırğızstanda opozitsiä aktivistların totnaqlıq kürsätergä çaqırdı.

Ereli(audio)

Qırğız xalqı säyäsi,milli kiläçäklären bilgelägändä tınıç fiker belderügä qarata xörmät, törle qaraşlarğa çıdamlıq kürsätergä häm fiker ayırmalıqların dialog , qanun qağıydälär aşa çışergä çaqırdı.

Süzçe Ereli AQŞları Qırğızstandağı totrıqlılıq mäsäläse turında Bişkäktäge ilçese, Rusiä räsmiläre häm Yevropada iminlek wä Xezmättäşlek Oyışması belän söyläşülär alıp bara dide. Ul qırğız aktivistlarına xalıqara cämäğätçelek sezne zur qızıqsınu belän küzätep bara dip xäterlätte. Adam Ereli Däwlät Departamentı brifingında Quşma Ştatları opozitsiä citäkçeläre arasında bersen dä östenräk kürmi , bez xalıq Qırğızstannıñ kiläçägen tınıç räweştä bilgelärgä tieş digän qaraştabız dide. Brifingta ber jurnalistnıñ Rusiä mätbuğatında Qırğızstandağı waqıyğälär artında AQŞ tora digän yazmalar kürenä digän sorawına qarata

Ereli(audio)

Bu eşneñ artında bez tormıybız , Bez xalıqara cämäğätçelek kebek Qırğızstanda stabillıq häm demokratiäneñ uñışqa ireşüe belän nıq qızıqsınabız. Bez qırğız xalqınıñ moña ireşüe öçen Yevropa häm Üzäk Aziädäge duslarıbız häm xalıqara oyışmalar belän eşlibez.

Guatemalada vizit belän yöregän saqlanu minsitrı Rumsfeld Bişkäk tiräsendä Manas xärbi bazasında torğan meñ çaması AQŞ ğäskärien qurqınıç yanamıy digän. Bu xärbilär Äfganstandağı tınıçlıq saqlaw tırışlıqlarına qatnaşa. Prezident Asqar Akayevnıñ bik tizlektä xakimiättän çitlätelüenä qarata kürşe illär citäkçeläre endäşmi tora. Rusiä prezidentı V.Putin comğada Ärmänstanğa yasağan säfäre waqıtnda qırğız xökümäten bärep töşergän legitim bulmağan tırışlıqnı xökem itsä dä ul Mäskäw qırğız opozitsiäsen yaxşı belä häm Bişkäk belän mönäsbätlären däwam iterergä teli dide

Putin (audio)

Bez bu keşelärne yaxşı beläbez. Alar yıllarça xökümät posların biläp torğanda Qırğızstan belän Rusiä Federatsiäse arasında mönäsäbätlärneñ täräqi itüenä yardäm itte .İkele mönäsäbätläreneñ bügenge däräcägä citüe öçen alar küp eşläde.

Eleke Sovet İmperiäseneñ üzägendä torğan Rusiäneñ Üzäk Aziedä täsire bik zur. Qazaxstan, Üzbäkstan Törkmänstannıñ räsmi reaksiäläre saqlıqlı buludan alıp endäşmi qaluğa qädär. Qazaxstan prezidentı N.Nazarbayev Astanada eşquarlar aldında yasağan çığışında Qırğız prezidentı Akayev un yıldan artıq däwam itkän xakimiäte waqıtnda ekonomik häm sotsial faktorlarğa ähämiät birmäde, opozitsiä xäyerçelektä yäşäde ,iminlek çaralarınıñ citärlek bulmawı başkütärügä mömkinlek birde dip söyläde. Törkmänstanda kiñ küläm mätbuğat çaraları Qırğızstandağı waqıyğälär turıda xabär dä itmäde. Üzbäkstan belän Tadcikistan çiklären yabıp, tärtipsezleklärneñ üzlärenä çäçräven tuqtatırğa tırışa , räsmi reaksiä dä yuq. Kafkazdan alıp Üzäk Aziägä qädär opozitsiä şatlıq , söyeneç belderä.Qazaxstan Ak Zhol partiä se citäkçese

Bolat Abilov (audio)

Bu şaqqattırğıç xäl. Bu başqa diktatorlarğa üzgäreşlär kiräk , xalıq ğädel saylawlar teli digän kündermä bulıp tora. Bu töp mäsälä

Ğädel Qazaxstan isemle opozitsiä partiäse ğırğız xalqına açıq xatında , qazaxlar kürşeläre ğırğızlar belän ğorurlana, bez qabilä, ğailä mönäsäbätlärenä tayanğan avtoritar rejimnı cimergän qırğızlarnı täbriklibez dielgän. Azerbaycanda da opozitsiä Qırğızstandağı üzgäreşlärne xuplıy. Opozitsiädäge Ümid partiäsennän İqbal Agazadä (audio) Qırğızstandağı täräqiätneñ Azärbaycan yäki Ärmänstanğa şunduq täsire bulır dip äytmäs idem Ämma ul bigräk tä azärilärge psixologik täsir yasıyaçaq . Töbäktäge Üzbäkstan, Törkmänstan häm Tacikstanğa täsire şunduq bulaçaq Xalıqara küzätüçelär 2003 yılda Azärbaycanda ütkärelgän saylawlarda xärämläşülär buldı dip belderde färidä xämit
XS
SM
MD
LG