Accessibility links

Кайнар хәбәр

Tatnet : real mäğlümatlaştıru qäğäzdäge xisaplardan yıraq


Ütkän tapşıruda internetqa totaşu urınnarı häm andağı xällärneñ torışı turında söylägän idek. Qazan üzägendä urnaşqan poçta bülegendä internetqa totaşqan kompyuterlar bar häm anda eşlär öçen keşelär çiratlarda tora, dip xäbär itkän idek. Şul uq waqıtta, Qazan eçendäge poçta büleklärendä, bötenläy qabızılmıy torğan kompyuterlar, internet qullanılmıy torğan urınnarnı tabıp bula. Bu atnada «Vostoçnıy Ekspres» digän gäzit, mäktäplärne kompyuterlaştıru turında yazma bastırıp çığardı. Awıl mäktäplärendä kompyuterlarnı qabızmıylar, alar yartışar yıl tartmalarınnan çığarılmıy da, şähär mäktäplärendä, sanaqlarnı eşlätsälär dä, barı açıq däreslär öçen genä, bik az külämdä genä qullanalar, digän mäğlümatlar kiterelä mäqälädä. Şuña kürä, barlıq mäktäplärne internetqa totaştıru häm barlıq urta uqu yortların kompyuterlaştırudan fayda ällä ni zur tügel, çönki alarda texnika qullanılmıy, dip yazdı gäzit. Älege mäğlümatlarnı raslaw yäki inqär itü öçen, Mäğärif ministrına soraw birdek. Räis Şäyxelislamov, andıy problemanıñ barlığın tanıdı. Ämma belem birü sisteması eşlätep qaradıq, eşli belgännär- eşli, qalğannarı öyränä bara, dide ministr.

Bikä Timerova.

XS
SM
MD
LG